АКИpress - Кыргызстандын Улуттук олимпиада комитетинин (УОК) президенти Үмбөталы Кыдыралиев кызматтан кетти. Бул тууралуу «Sport АКИpress» маалымат булактарына шилтеме берип билдирди.
Ал бул кызматка 2024-жылдын декабрь айында Париждеги Олимп оюндарынан кийин Садыр Мамытовдун ордуна шайланган.
27-мартта Аткаруучулар комитетинин жыйыны болуп, анда 29-апрелде комитеттин Башкы ассамблеясын кезексиз чакыруу чечими кабыл алынгандыгы маалымдалган.
Жаңы президенттин кызмат ордуна талапкерлердин тизмеси 11-апрелде белгилүү болот.
Үмбөталы Кыдыралиев Жогорку Кеңештин депутаты жана Бокс федерациясынын президенти.