АКИpress - Бишкекте Эл аралык футбол федерациясынын (ФИФА) А категориясындагы стандарттарына жооп берген «Бишкек Арена» стадионунун курулушу уланууда.
Президенттин иш башкармалыгынын маалыматы боюнча, имараттын жалпы аянты 180 миң чарчы метрди, бийиктиги — 70 метрди түзөт. Долбоордо 8 кабат жана 8 функционалдык блок каралган. Комплекстин курамына жалпы аянты 40 000 чарчы метр соода борбору жана 1800 унаага ылайыкталган унаа токтотуучу аймак да кирет.
Учурда ички курулуш иштери уланууда. Металл конструкцияларынын даярдыгы 81%га жетти. Ошол эле учурда аймакты көрктөндүрүү жана инженердик коммуникацияларды өткөрүү иштери жүрүп жатат.
Объект өлкөнүн Эгемендүүлүк күнүнө карата тапшырылат.
⛶