АКИpress - 2-апрелде Гапар Айтиев атындагы Кыргыз улуттук көркөм сүрөт музейинде Салттуу кол өнөрчүлүк борборунун салтанаттуу ачылыш аземи өтөт. Иш-чара Корея Республикасы менен Кыргыз Республикасынын ортосундагы долбоордун алкагында өткөрүлөт.
«Борбордун негизги максаты — салттуу кол өнөрчүлүктү жайылтуу жана даңазалоо. Жаңы борбор заманбап жабдуулар менен камсыздалып, мастер-класстар, лекциялар жана билим берүү программаларын өткөрүүгө мүмкүнчүлүк түзөт. Келген коноктор салттуу кол өнөрчүлүк менен жакындан таанышып, буюмдарды жасоо ыкмаларын үйрөнө алышат.
Ачылыш аземинде эки көргөзмө сунушталат: «Текстиль. Заман жиби» (кураторлор: Чолпон Дэмут-Осмоналиева, Алима Токмергенова), «Уя. Салттуу кол өнөрчүлүктөн XXI кылымдын модернизмине чейин» (кураторлор: Аймира Эсеналиева, Чолпон Дэмут-Осмоналиева).
Ошондой эле музейдин короосунда «Khan Bazaar» жарманкеси уюштурулат», - дейт Маданият министрлиги.