АКИpress - Токмок шаарында маркум кримавторитет К.Көлбаевдин (К.Асанбектин) уюшкан кылмыштуу тобунун мүчөлөрүнө таандык ок-дары сакталган жай табылды.
УКМКнын басма сөз кызматы билдиргендей, эки мылтыктын кыскартылган түрү, эки мина, бир граната, тротил, бир беткап, эки бычак, үч жарык бергич жана ар кандай калибрдеги ок-дарылар табылды.
«Бул арсенал өзгөчө оор кылмыштарды, анын ичинде өлкөдөгү коомдук-саясий кырдаалды туруксуздаштыруу максатында даярдалган болушу ыктымал», - деп айтылат билдирүүдө.
Табылган куралдар боюнча соттук-баллистикалык экспертиза дайындалып, мурда жасалган кылмыштарда колдонулгандыгын аныктоо боюнча иликтөө иштери жүргүзүлүүдө.