АКИpress - Кыргызстандык спортчу Адис Орозмаматов Польшада жаштар арасында өткөн дзюдо боюнча Европа кубогунун ачык мелдешинде алтын медалга ээ болду.
Мелдеш 28-29-март күндөрү Познань шаарында өттү.
Орозмаматов 66 кг салмак категориясында күч сынашты, бул салмакта 28 спортчу ат салышты.
Кыргызстандык спортчу 1/8 финалдан баштап, катары менен төрт жеңишке жетип, 1-орунду ээлеп, алтын медалга татыды.
Бул медаль Орозмаматов үчүн 2026-жылдагы төртүнчү сыйлык болуп калды. Февраль айында ал Болгария жана Боснияда өткөн Европа кубогунун этаптарында эки коло медалга ээ болгон, ал эми март айында Германиядагы мелдеште алтын уткан.
Адис Орозмаматов