АКИpress - Министрлер кабинети «Ош шаарында таштандыларды кайра иштетүү аркылуу электр энергиясын өндүрүүчү комплексти куруу» долбоорун ишке ашырып, жеңилдетилген салык салынууга тийиш болгон уюмдардын тизмесин бекитти. Бул тууралуу 2026-жылдын 16-мартындагы №167-т тескемеде айтылат. Документке ылайык, кытайлык компанияга жеңилдиктер берилди.
Долбоор боюнча бекитилген мамлекеттик орган болуп Инвестициялар боюнча улуттук агенттик аныкталды. Компания үчүн долбоорду ишке ашыруу үчүн алынып келинген технологиялык жабдууларды, анын комплекстөөчү жана запастык бөлүктөрүн, ошондой эле сырьелорду жана материалдарды импорттоого кошумча нарк салыгынан бошотуу белгиленди.
Жеңилдиктин мөөнөтү долбоорду ишке ашыруу мезгилине, бирок 5 жылдан ашпаган мөөнөткө белгиленген. Буйрук кол коюлган күндөн тартып күчүнө кирет.