АКИpress - Бишкектин Менделеев көчөсүндөгү үйлөрдүн биринде мыйзамсыз кечелер уюштурулуп жатканы тууралуу арыз түшүп, анын негизинде милицияга беш жаран жеткирилди. Бул тууралуу 29-мартта Октябрь райондук ички иштер бөлүмүнүн басма сөз кызматы билдирди.
«102» кызматына чалуу түшкөндөн кийин окуя болгон жерге Бишкек шаардык мамлекеттик санитардык-эпидемиологиялык көзөмөл борборунун кызматкерлери, Салык кызматы, муниципалдык аймактык башкармалыктын (МАБ) жана милициянын өкүлдөрү барышкан.
Жыйынтыгында райондук ички иштер бөлүмүнө 1966-жылы туулган С.Ж., 2001-жылы туулган И.А., 1999-жылы туулган Р.Д., 2002-жылы туулган Т.И. жана 2001-жылы туулган О.Г. жеткирилген.
«Тергөөгө чейинки текшерүүнүн жыйынтыгы менен окуяга юридикалык баа берилет», - деп жазылган маалыматта.