АКИpress - Ирандын президенти Масуд Пезешкиан аймактагы мамлекеттерди ага каршы чабуулдарды жасоо үчүн өздөрүнүн аймактарын пайдаланууга жол бербөөгө чакырды.
«Эгерде өнүгүү жана коопсуздукту кааласаңыздар, душмандарыбызга сиздердин аймактардан бизге каршы согуш жүргүзүүгө жол бербегиле», - деп жазды ал.
Мамлекет башчы Иран алдын ала соккуларды жасабастыгын, бирок өзүнүн инфраструктурасына жана экономикалык объекттерине жасалган түрдүү чабуулдарга чечкиндүү жооп кайтараарын баса белгиледи.
Буга чейин Пезешкиан Нооруз майрамына карата коңшу мусулман өлкөлөрүнө кайрылып, Тегерандын кошуналар менен жаңжалдашпай турганын билдирген. Анын айтымында, Ирандын мусулман мамлекеттери менен тирешүүсүнөн Израил гана пайда көрөт.
Мындан тышкары, президент АКШ жана Израилдин чабуулдарынын фонунда жарандарды биримдикке чакырып, «Иранды сыймык менен бороон-чапкындан алып чыгуу» зарылдыгын белгиледи.