АКИpress - Бишкекте «Азия Мол» соода жана оюн-зоок борборуна жарылуучу зат коюлганы тууралуу билдирүү түштү. Бул тууралуу Бишкек шаардык ички иштер башкармалыгынын басма сөз кызматы билдирди.
Маалымат «102» кызматына бүгүн, болжол менен саат 10:58де түшкөн. Окуя болгон жерге башкармалыктын жетекчилиги, ошондой эле тергөө-ыкчам тобу дароо жөнөп кетишкен.
Жарандардын коопсуздугун камсыздоо максатында имараттын аймагы милиция кызматкерлери тарабынан курчоого алынып, кардарлар жана кызматкерлер эвакуацияланууда.
Учурда издөө жана текшерүү иштери жүрүп жатат. Толук маалымат кийинчерээк берилет.