АКИpress - Бишкектеги Аламүдүн-1 кичи районундагы Сагымбай манасчы көчөсүндө жалпы аянты 0,56 га болгон унаа токтотуучу жайды демонтаждоо башталды.
Вице-мэр Рамиз Алиевдин маалыматы боюнча, мурда бул жай «Айдоочулар биримдиги» коомдук бирикмесине таандык болчу, гараж муниципалдык жерде жайгашкан.
Коомдук бирикменин өкүлү жер салыгын төлөп турушканын айтып, сотко кайрылышканын билдирди. Вице-мэр болсо мэрия ижара акы албаганын белгиледи.
Алиевдин айтымында, бул жерде бюджеттен тышкаркы каражаттардын эсебинен жаңы бакча курулат, ошондой эле Асанов көчөсүнөн көпүрөгө чейин унаа токтотуучу жайлар уюштурулат.
«Айдоочулар биримдиги» соттун чечимин күтүүнү талап кылып жатат, бирок сот жылдап созулат, бул убакытты кетирүү үчүн гана жасалат», - деди Алиев.
Сагымбай манасчы көчөсүндө экинчи гаражды да демонтаждоо пландалууда.
«Анын ордуна көп кабаттуу унаа токтотуучу жай курулат», - деп кошумчалады вице-мэр.
Аймакта каралбай турган курулуштар да байкалган, алар да демонтаждалат.