АКИpress - Жаза аткаруу мамлекеттик кызматынын кайтаруу жана коштоп жүрүү департаментинин катардагы аскер кызматчысы 10-мартта кургак учукка шектелгенин 16-мартта Жаза аткаруу кызматынын басма сөз кызматы билдирди.
Ошол эле күнү 1-батальондун жоокери К.Б.Б. департаменттин медициналык бөлүмүнүн изоляторуна жаткырылып, медициналык кызмат тарабынан тийиштүү текшерүүлөр жүргүзүлгөн.
Анализдер ооруну тастыктап, 16-мартта аскер кызматчысы Саламаттыкты сактоо министрлигинин Улуттук фтизиатрия борборуна жаткырылды.
Аскер кызматчыларынын арасында эпидемиологиялык иликтөө жана текшерүүлөр жүргүзүлүүдө.