АКИpress - Жаратылыш министринин орун басары Алмаз Мусаев 16-мартта Жогорку Кеңештин Агрардык саясат боюнча комитетинин жыйынында «Жашыл мурас» долбоорунун алкагында жашылдандыруу иштери боюнча маалымат берди.
2022-жылы өлкө боюнча 4223 гектар аянтка 6 млн 486 миң көчөт отургузулган.
2023-жылы 5000 гектар аянтка 7 млн 572 миң көчөт отургузулуп, анын натыйжалуулугу 64,35% түзгөн.
2024-жылы жашылдандырылган аянт 5774 гектарды түзүп, 8 млн 147 миң көчөт отургузулуп, натыйжалуулугу 83% болду.
2025-жылы 8,5 млн көчөт отургузуу пландалган болсо, иш жүзүндө 6420 гектар аянтка 8 млн 239 миң көчөт отургузулуп, натыйжалуулук 74,57% жеткен.
2026-жылга 9 млн көчөт отургузуу пландалууда, ага карата даярдык иштери башталды.