АКИpress - «Бишкек Арена» стадионундагы курулуш иштери уланууда жана ал жыйынтыктоочу этапка чыкты. Бул тууралуу президенттин иш башкаруучусу Каныбек Туманбаев билдирди.
Анын айтымында, стадиондун ичинде заманбап үч кабаттуу «Bishkek Arena Mall» соода борбору болот. Ал жерде ишкерлер жана келүүчүлөр үчүн бардык шарттар каралган.
Алдын ала пландар боюнча, 1-апрелден тартып соода жайлары сатыла баштайт. Ошондой эле соода борборуна келгендер үчүн жетиштүү сандагы унаа токтотуучу жай каралган.