АКИpress - Айпери Медет кызы «PWL» турнирине катышат. Турнир 27-мартта Ташкентте (Өзбекстан) өтөт.
Медет кызы Жапониянын азыркы Олимпиада чемпиону Юки Кагами менен кармашат. «PWL» билдиргендей, буга чейин спортчулар төрт жолу беттешип, экөө тең экиден жеңишке жеткен.
Акыркы жолугушуу 2023-жылдагы дүйнө чемпионатынын финалында орун алып, анда Кагами жеңген.
Жапониялык спортчу 2024-жылы Париждеги Олимпиаданы уткан, андан кийин килемге чыга элек.
Медет кызы болсо Париждеги Олимпиадада 5-орунду ээлеген, андан кийин Азия чемпионатын жана Ислам оюндарын утуп, дүйнө чемпионатында күмүш медалга ээ болгон.
«PWL 11» турниринде Акжол Махмудов жана Абдумалик Карачов да чыгышат.
