АКИpress - Министрлер кабинети «Кыргызстандын аэропорттору» ААКсына Каракол, Бишкек шаарлары жана Кара-Суу районунан жалпы аянты 82,7 га жер тилкесин өткөрүп берүү жана компанияны 847 млн 778,5 миң сомго капиталдаштыруу жөнүндө чечим кабыл алды.
Министрлер кабинетинин 24-июлдагы тескемесинде айтылгандай, Финансы министрлигине салыктык эмес кирешелер боюнча кошумча түшкөн каражаттардын эсебинен «Кыргызстандын аэропорттору» ААКсынын уставдык капиталына салым катары 847 млн 778 миң 505 сом бөлүү тапшырылды.
Мамлекеттик мүлктү башкаруу боюнча мамлекеттик агенттикке мамлекеттик мүлктүн объекттеринин рыноктук наркына баа берүү процедурасын жүргүзүү тапшырылды.
Кыймылсыз мүлккө укуктарды каттоо чөйрөсүндөгү ыйгарым укуктуу мамлекеттик органга кыймылсыз мүлк объекттерине укуктардын өтүшүн каттоо тапшырылды.
Бул тескеменин аткарылышын коөзөмөлдөө Президенттин администрациясынын президенттин жана Министрлер кабинетинин чечимдеринин аткарылышын контролдоо башкармалыгына жүктөлдү.
Берилген жер тилкелер тууралуу маалымат катталуучуларга жеткиликтүү.