Кыргызстандык жаш балбан Хасан Гасанов Азия чемпиону болду
На русском
Хасан Гасанов
АКИpress - Кыргызстандык Хасан Гасанов грек-рим күрөшү боюнча өспүрүмдөр арасындагы Азия чемпионатында алтын медаль утту.
15 жашка чейинки спортчулар арасындагы турнир 5-июлда Бишкек шаарында старт алды.
Гасанов 85 кг чейинки салмак категориясында күч сынашты, анда жалпысынан 7 спортчу эки топко бөлүнгөн.
Гасанов тайпалык баскычта Иордания, Индия жана Тажикстандан келген спортчуларды жеңди. Кыргызстандык спортчу өз тайпасында 1-орунду ээлеп, жарым финалга чыкты, ал баскычта Өзбекстандын өкүлүн 9:0 эсебинде утту.
Финалдык беттеште Гасанов казакстандык балбан менен кез келип, 1 мүнөт 2 секундда 9:0 эсебинде мөөнөтүнөн мурда жеңишке жетти.
