14:49, 26-июнь, 2022

Бишкекте мас кыз балконго асылып... Шаардыктардын тынчын алган окуя

На русском
11:32, 24-июнь, 2022 514

АКИpress -  Бишкек шаарынын Шевченко көчөсүндөгү көп кабаттуу үйдө 3-кабаттагы балкондон жаш кыз боюн таштоого аракет кылган. Окуя кечээ, 23-июнда болгон.

Тактап айтканда, эртең мененки саат 7:30 чамасында милицияга Шевченко көчөсүндөгү көп кабаттуу үйдүн 3-кабатындагы балкондо жаш кыз жерге секиргени жатат деген маалымат түшкөн. Айтылган дарекке барган милиция кызматкерлери окуя ижарага алынган батирде болгонун аныкташкан.

Текшерүү учурунда жаш кыз мас экени, ал саат 4:30да чыр чыгарганы, ага байланыштуу көп кабаттуу үйдүн жашоочулары милиция чакырышканы белгилүү болду.

Жаш кыз жана батирдеги 1992-жылы туулган А.Д. Ленин РИИБдин №1 шаардык милиция бөлүмчөсүнө жеткирилген. Көп кабаттуу үйдөгү тургундардын тынчын алган кыз өзүн тааныштыруудан баш тарткан. Ошондой эле мас болгонуна байланыштуу аны суракка алууга мүмкүн болгон эмес.

Териштирүү иши уланууда.

Пикирлер
Для добавления комментария необходимо быть нашим подписчиком