13:24, 26-июнь, 2022

Бишкекте курсагындагы майды алдырган аял каза болду. Окуянын чоо-жайы

На русском
17:31, 23-июнь, 2022 9108

АКИpress -  Бишкек шаарындагы Улуттук госпиталда аял киши каза болду. Ал анестезиология жана жандандыруу бөлүмүнө менчик клиникадан оор абалда жеткирилген болчу.

Аталган бөлүмдүн жетекчиси Гүлжан Жусупалиева «АКИpress» агенттигине билдиргендей, ага 14-июнда «Art clinic» менчик клиникасынан телефон чалып, бейтап комага түшүп калганын айтышкан.

«Баш мээси жабыркап, комага түшкөн бейтаптар адатта бизге түшөт. Бейтап инсульт болгонун, оор абалда экенин билдирип, аны кабыл алууну суранышкан. Мен макул болуп, клиника менен байланыштым. Мага кан басымы 60 мм экенин кабарлашты. Биз абалын турукташтырыш керек экенин айттык, себеби ооруканага алып келгиче каза болуп калышы мүмкүн эле», - деди Жусупалиева.

Ал 19:00дө жумуштан кеткен, бирок 21:00дө ага ооруканадан телефон чалып, бейтапты алып келишкенин айтышкан.

«Үйдөн жумушка бардым. Бейтапты жасалма деп алдыруучу аппаратка кошушту, абалы оор болчу. Сыртынан караганда курсагы кан болчу, себеби менчик клиникада ага липосакция боюнча (курсактагы майды хирургиялык жол менен алуу) операция жасалыптыр», - деди Жусупалиева.

Ал бейтаптын курсагы чоңоюп кеткенин, ошондуктан курсагы УЗИ менен текшерилгенин белгиледи.

«Анализде операцияга чейин гемоглабини 120 болгону көрсөтүлгөн, операциядан кийин 60ка төмөндөгөн. Бул чоң айырма. Мен ички канталоодон улам курсагынын көлөмү чоңойгон болушу мүмкүн экенин айттым, себеби гемоглабин дагы төмөн болчу. УЗИден курсакта суюктук бар экенин көрдүк, хирургдарды чакырдык. Операция жасап башташты. Операция учурунда кан басымы төмөндөгөн эмес, сатурациясы жакшы болчу», - дейт дарыгер.

Анын айтымында, операция учурунда курсагына кан топтолбогону, перионит — ичегиси жабыркаганы белгилүү болгон.

«Мен ичегиси качан, кантип жабыркаганын айта албайм, ал менин компетенцияма кирбейт. Хирургдар операция жасагандан кийин бейтапты жандандыруу бөлүмүнө котордук. Ал 18-июнда саат 17:00 чамасында эс-учуна келбей каза болду. Биз бардык керектүү медициналык жардамды көрсөттүк. Бирок курсагында жылыш жок болчу, ошондуктан каза болуп калды», - деди Жусупалиева.

Пикирлер
Для добавления комментария необходимо быть нашим подписчиком