16:54, 18-январь, 2022

«Ата-Бейит» улуттук тарыхый-мемориалдык комплексинде жаңылануулар болот

На русском
18:21, 15-январь, 2022 203

АКИpress -  Бүгүн, 14-январда «Ата-Бейит» улуттук тарыхый-мемориалдык комплексинде ведомстволор аралык көчмө жыйын болуп өттү. Бул тууралуу министрликтин басма сөз кызматы билдирди.

Жыйынга, маданият, маалымат, спорт жана жаштар саясаты министрлиги, тышкы иштер министрлиги, транспорт жана коммуникациялар министрлиги, Министрлер кабинетине караштуу Архитектура, курулуш жана турак жай, коммуналдык чарба мамлекеттик агенттигинин Турак-жай жарандык курулуш департаменти, Президенттин Чүй облусундагы ыйгарым укуктуу өкүлчүлгү, Аламүдүн райондук мамлекеттик администрациясынын жана «Кыргызреставрация» илимий-изилдөө долборлоо институтунун жетекчилери жана өкүлдөрү катышты.

Көчмө жыйын «Ата-Бейит» улуттук тарыхый-мемориалдык комплексинин аймагын жакшыртуу жана өнүктүрүү маселелерин жеринде чечүүгө арналып, комплекске баруучу жолдор, жол көрсөткүчтөрдү орнотуу, жашылдандыруу, инфраструктуралык оңдоолор жана аймагын кеңейтүү сындуу маселелер көтөрүлдү.

Жыйынтыгында, комплекске зарыл болгон шарттарды түзүү үчүн долбоордук сметаларды, архитектуралык чечимдерди жана сунуштарды жакынкы аралыкта иштеп чыгуу макулдашылды.

Коронавирус Кыргызстанда
Жайылуу картасы
Пикирлер
Для добавления комментария необходимо быть нашим подписчиком