14:07, Үчтүн айынын жыйырма беши, 2020
13:13, Үчтүн айынын жыйырма беши, 202032 Бишкекте 2 унаа кагышып, жүргүнчү жабыркады
13:03, Үчтүн айынын жыйырма беши, 202096 Сүрөт — Алайда памирлик боордоштор сабатын жоюуда
12:15, Үчтүн айынын жыйырма беши, 202077 Кытайда жаңы вирус жуктурган дарыгер каза болду
Учурда окулуп жатат
12:06, Үчтүн айынын жыйырма беши, 2020 (80 адам окуп жатат)
Аялын 41 жолу бычактап өлтүргөн Эрмектин иши боюнча жаңы жагдайлар
10:40, Үчтүн айынын жыйырма беши, 2020 (45 адам окуп жатат)
«Уурулар сабап, баспай калдым»: Ооруга моюн сунбаган жетекчинин баяны. Видео
10:28, Үчтүн айынын жыйырма беши, 2020 (44 адам окуп жатат)
Коронавирустун жаңы түрүнөн кантип сактануу керек? Дарыгерлерден кеңеш

«Кызым бут кийим жок сабактан калууда»: Жакыр жашоонун айынан өзгөлөрдөн уялган ат-башылык үй-бүлө

На русском
15:32, Бештин айынын он үчү, 2019 137

Баракелде -  Ат-Башы районуна караштуу Ак-Жар айылынын тургуну Бурулсун Капарова үй-бүлөсү менен 10 жылдан бери шарты жок үйдө жашап келет. Ал 6 баланын энеси. Мындан 5 ай мурун эгиздүү болгон. Кышкысын үйү суук болуп, айрым учурда балдары ооруп калат. Андан аймактык кабарчы кабар алды.

Өзүнүн айтымында, жолдошу башкалардын короосун тазалап, жарыбаган акча табат. Кээде андай каражат таппай да калат.

«От жакканыбыз менен терезеден аркырап шамал кирет. Аны клёнка алып бүтөгөнгө шартыбыз жок болуп жатат. Төркү үйүбүздүн терезеси такыр эле алжайып ачылып калган. Ал жерди жаздык менен жаап койгом. Түнкүсүн аябай муздак. Үшүп-шишип кыштап жатабыз. Бул үй кайнатамдын үйү. Кайнатам болсо, “кеткиле” деп жатат. Кайсы жакка барарыбызды билбейбиз. Жер сурап, айыл өкмөткө кайрылдык. Эч ким жардам бербей койду. Азыр үйдө унубуз, отунубуз жок. Балдарыбыздын баары майда, эң кичүүлөрү эгиз. Жөлөк пул болсо 7000 сом, ал акча балдардын памперси менен тамак-аштан ашпайт. Дүкөндөргө карызыбыз көбөйүп, аны төлөгөнгө мүмкүнчүлүгүбүз жок болуп жатат. Жолдошум бирөөнүн мал короосун тазалап иштеп, 3000 сом алат. Кээде ал каражатты дагы албай калат», - деди ал.

Бурулсун Капарова жакырчылыктын айынан кошуналарга кошула албай, уялып келерин айтат.

«Жашообуз аябай эле начар. Кошуналарыбыз бизди кемсинтишет. “Жашоо-турмуштарын оңдоп алып, анан бизге кошулушсун” деп да айтып чыгышты. Теңтуштарыбызга дагы кошула албайбыз, уялабыз. Үйгө киши-кара келгенде чай бергенден аябай эле уялам. Азыркы заманда биздей болуп жашаган киши жок болуш керек деп ойлойм.

Электр энергиясы жок жашап жатканыбызга бир айга жакындап калды. Карызыбыз 2000 сом болгондо өчүрүп кетишти. Бир туугандарыбыздан болсо эч кандай жардам жок. Балдардын памперси менен сүтүнө 1 айда жөн эле 4000-5000 сом кетет. Ал эми улуу балдарымдын мектебиндеги тамак-ашына акча бере албайм. Мугалимдери күнүгө айттырып жиберишет. Балдарымдын бут кийими жок. Азыр кызымдын бут кийими жок, сабакка бара албай үйдө отурат», - деди ал.

«Чыгышэлектро» ААКтын басма сөз кызматынын маалыматына караганда, кардар Бурулсун Капарованын үйүнүн электр жарыгы 13-ноябрда өчүрүлүп, эки күндөн кийин кайра күйгүзүлгөн. Абоненттин 2000 сом карызы болгон.

Бурулсун Капарованын үй-бүлөсүнө жардам берүүнү каалагандар 0704 54 06 41, 0708 16 82 11 номурларына чала алышат.

Пикирлер
Для добавления комментария необходимо быть нашим подписчиком