13:30, Үчтүн айынын жыйырма беши, 2020
13:13, Үчтүн айынын жыйырма беши, 20209 Бишкекте 2 унаа кагышып, жүргүнчү жабыркады
13:03, Үчтүн айынын жыйырма беши, 202059 Сүрөт — Алайда памирлик боордоштор сабатын жоюуда
12:15, Үчтүн айынын жыйырма беши, 202052 Кытайда жаңы вирус жуктурган дарыгер каза болду
Учурда окулуп жатат
12:06, Үчтүн айынын жыйырма беши, 2020 (131 адам окуп жатат)
Аялын 41 жолу бычактап өлтүргөн Эрмектин иши боюнча жаңы жагдайлар
10:40, Үчтүн айынын жыйырма беши, 2020 (78 адам окуп жатат)
«Уурулар сабап, баспай калдым»: Ооруга моюн сунбаган жетекчинин баяны. Видео
10:28, Үчтүн айынын жыйырма беши, 2020 (51 адам окуп жатат)
Коронавирустун жаңы түрүнөн кантип сактануу керек? Дарыгерлерден кеңеш

Колу-бутун байлап, суу сактагычка ыргытып кетишкен прокурордун каймана атын алып жүргөн Партизан. Сүрөт

На русском
16:39, Бештин айынын тогузу, 2019 111
Партизан Адылбек уулу
Партизан Адылбек уулу

Баракелде -  Дүйнө жүзүндө алгачкылардан болуп космоско учкан Юрий Гагарин болгон. Ошондой эле согуш учурунда баскынчыларга каршы согушкан аскердик кызматка тартылбаган адамдардын тобу — партизандар деп аталган. Кара-Суу районунда «Гагарин» жана Партизан аттуу ата-бала жашайт. Аймактык кабарчы 24 жаштагы Партизан менен маектешти.

Партизан Адылбек уулу 1995-жылы туулган. Ал Кара-Суу районунун Катта-Талдык айыл өкмөтүнө караштуу Кара-Сөгөт айылында чоңойгон. Өзүнүн айтымында, чоң атасы советтик армияда кызмат өтөгөн.

«Менин ысымымды чоң атам Калыбек коюптур. Мен туулган жылы болуш керек, Папан суу сактагычында өлтүрүлгөн прокурордун окуясы аңызга айланган. Ал прокурор өзүнүн ишин так аткарган, чынчыл, адилеттүү болгон дешет. Андан бирөөлөр кайсы бир адамдын жазасын жоюп берүүнү өтүнүп, акча сунушташкан. Бирок прокурор такыр макул болбой коюптур. Чоң атамдын айтымында, прокурор криминалдык топтун мүчөсүнүн, айтор таасирдүү кишинин жазасын жеңилдетпей коюптур. Ошондон улам прокурордун колу-бутун байлап, Папан суу сактагычына ыргытып жиберишиптир. Ал өзүнүн чынчылдыгынын курмандыгы болуптур. Прокурордун каймана аты "Партизан" экен. Чоң атам ысымымды дал ошол прокурордун каймана атынан чынчыл, адилеттүү болсун деп ыйгарыптыр.

Ал эми атамдын аты Адылбек. Аны айылда көпчүлүк тургундар "Гагарин" деген каймана ат менен таанып, аташат. Анткени унааны абдан катуу айдайт. Кайсы мезгил болбосун атам унааны айдап келип токтоткондо, анын моторуна чай кайнатканга болчудай ысык болуп калчу экен. Ошондуктан атам эл арасында "Гагарин" деп аталып калыптыр. Айылда "кимдин баласысың?" дегендерге "Адылбектин" деп жооп берем. Бирок көбү тааныбайт. Анан түшүндүрсөң, "Гагариндин" баласысыңбы?" деп калышат», - деди Партизан Адылбек уулу.

Пикирлер
Для добавления комментария необходимо быть нашим подписчиком