00:50, 8 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Жасалма номур менен унаа башкаргандарга айыпты 30 миң сомго чейин көбөйтүү сунушталды

На русском
13:59, 1 бештин айы 2019 270

Баракелде -  Ички иштер министрлиги унааларга жасалма номур колдонгондорго айып пулдун өлчөмүн көбөйтүүнү сунуштап жатат. Өкмөт Бузуулар жана жоруктар жөнүндө кодекстерге тиешелүү түзөтүүлөрдү киргизүүнү көздөөдө.

ИИМ Кыргызстанда акыркы жылдары унааны номуру жок же жасалма номур менен башкаргандар көбөйүп жатканын мойнуна алат. 6 айдын ичинде эле «Коопсуз шаар» долбоорунун камералары жасалма номур тагылган унаалар тарабынан жасалган 25 миңден ашык эреже бузууну каттады.

2019-жылда күчүнө кирген Бузуулар жөнүндө кодекс боюнча, жасалма номур колдонгондорго 5-категориядагы айып — физикалык жактарга 100 эсептик көрсөткүч же 10 000 сом, юридикалык жактарга 28 000 сом айып пул салынат.

Бирок ИИМ бул айып пулдун өлчөмү акыйкаттык принцибине туура келбейт деп эсептейт. Себеби айыпты өндүрүү эреже бузуунун мүнөзүнө жана анын абалына шайкеш келиши керек. «Бул эреже бузуу жасалган кылмыш же жоруктан качууга жол берет», - деп айтылат маалыматта.

Буга байланыштуу ИИМ Бузуулар жөнүндө кодекстин 121-беренесинин 4-бөлүмү (транспорт каражатын номуру жок, жасалма же жалган мамлекеттик каттоонун номурдук белгилери (белгиси) менен башкаруу, ага тете транспорт каражатын мамлекеттик каттоонун номурдук белгисин идентификациялоого тоскоолдук жараткан же аны өзгөртүүгө, жашырууга мүмкүндүк берген түзүлүштөр жана материалдар колдонулган мамлекеттик каттоонун номурдук белгиси менен башкаруу), Жоруктар жөнүндө кодекстин 173-беренесинде (транспорттук каражаттын идентификациялык номерин жасалмалоо же жок кылуу) каралган жоопкерчиликтин квалификациясын өзгөртүүнү сунуштайт. Анда физикалык жактар үчүн 1-категориядагы айып 20 000 сомдон 30 000 сомго чейин каралат.

Муну менен катар эле Бузуулар жөнүндөгү кодекс боюнча (10 000 / 28 000 сомов), 5-категориядагы айыптар номурду идентификациялоого тоскоолдук жараткан же аны өзгөртүүгө, жашырууга мүмкүндүк берген түзүлүштөр жана материалдар колдонулган учурда салынат.

Пикирлер
Для добавления комментария необходимо быть нашим подписчиком