07:56, 14 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Криминалдык авторитеттерди түрмөгө тыкканга акча керекпи? , - депутат

09:58, 23 тогуздун айы 2019 211

Баракелде -  Кыргызстанда криминал менен күрөшүүдө саясий эрк жок болуп жатат деген пикирин Жогорку Кеңештин депутаты Жанар Акаев айтты. Бүгүн, 23-октябрда парламенттин жыйыны улантылып жатат.

Ж.Акаевдин айтымында, айласы түгөнгөн айрым ишкерлер Кыргызстандан көчүп кетип жатышат. Бул маселе боюнча президенттин жана өкмөттүн парламенттеги өкүлүнө кайрылды.

«Өткөн жумада "Мадина" кафесинин ээси мыкаачылык менен өлтүрүлдү. Бул бүтүндөй бизнеске, ишкерлерге чоң сокку болду. Мамлекет, өкмөт ушундай маселеде өзүнүн алсыздыгын көрсөтүп жатат. Криминал азыр Кыргызстанда кадимкидей баш көтөрдү. Кыргызстандан чыгарылып кеткен акчанын суммасын карагыла, жарым жылда 247 млн акча мамлекеттен чыгып кетти. Чоң компаниялар эмес, орто бизнестер да акчасын алып чыгып кетип жатат. ИИМ криминал менен күрөшүүдө өзүнүн алсыздыгын кылып жатат.

Макул, чоң реформаларды жасаганга акча керек болсун. Бюджетте акча жок дейли. Бирок криминал менен күрөшкөнгө, криминалдык авторитеттерди, кылмыш дүйнөсүнүн өкүлдөрүн четинен түрмөгө тыкканга акча керекпи? Буга саясий эрк керек.

2005-жылы ыңкылап болгондо гана ушундай рекорддук сумманы бизнес сыртка алып чыгып кеткен экен. Азыр ушундай рекорд кайталанып жатат.

Президент Японияга, башка өлкөлөргө барып, инвесторлорду өзү баш болуп чакырып жүрөт. Бирок өкмөт бизнести коргой албай калды. Бул президентке каршы саботаж», - деди Ж.Акаев.

Депутаттын айтымында, учурда бул көйгөй Кыргызстандын бардык аймактарында бар.

«Кыргызстандын чоң шаарларын карагыла, унаа оңдогон жайлардан баштап, чоңураак кафе, базарлардын баарынан криминал ай сайын салык чогултат. ИИМ криминалга каршы күрөш жарыялагыла», - деди депутат.

---------------------------------------------------------------

Уурдалып, андан кийин өлтүрүлгөн 37 жаштагы ишкер Хуфур Абдурахеманды Кочкор районунун Кочкор айылынын аймагындагы тоо тарапка көмүп коюшкан. Ал көмүлгөн жер жолдон 10 метрдей алыс.

--------------------------------------------------------

Ишкер 4-октябрда өзүнүн автоунаасы менен Бишкек шаарындагы «Мадина» базарынан чыгып кеткен бойдон дайынсыз жоголгон. Кийинки күнү ишкердин туугандары милицияга кайрылышкан.

Маркум ишкердин унаасы ак түстөн кара түскө боёлуп калган.

Пикирлер
Для добавления комментария необходимо быть нашим подписчиком