08:48, 16 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

С.Жээнбеков Түрк кеӊешинин өлкөлөрүнүн ортосунда IT-технологиялары боюнча кызматташууну сунуштады

17:56, 16 тогуздун айы 2019 32
Баку
Баку

Баракелде -  Президент Сооронбай Жээнбеков Түрк кеӊешинин өлкөлөрүнүн ортосунда IT-технологиялары боюнча жана жашыл экономиканы өнүктүрүү багытында тыгыз кызматташууну сунуштады. Бул тууралуу 15-октябрда Баку шаарында (Азербайжан) Түрк тилдүү мамлекеттердин кызматташуу кеңешинин кезектеги VII жыйынында айтылды.

Өлкө башчынын басма сөз кызматынын билдирүүсү боюнча, мамлекет башчысы Кыргызстан түрк өлкөлөрүнөн келген өнөктөштөр үчүн ар дайым ачык экенин белгиледи.

Бүгүнкү күндө Кыргызстанда Түркия, Казакстан жана Өзбекстан менен көп сандагы биргелешкен ишканалар иштеп жатканын да белгилеп, азербайжандык жана венгриялык өнөктөштөр менен ишкердикти өнүктүрүүгө кызыкдар экенин билдирди. Мамлекет башчысы дагы бир маанилүү багыт катары Түрк кеңешинин өлкөлөрүнүн жаштарынын ортосундагы боордош мамилелерди бекемдөөнү атап, бул келечекте уюмдун туруктуу өнүгүшүнө татыктуу салым кошо турганына ишенимин билдирди.

Пикирлер
Для добавления комментария необходимо быть нашим подписчиком