23:33, 12 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Бакуда Түрк тилдүү мамлекеттердин кызматташтык кеңешинин жыйыны аяктады

17:25, 15 тогуздун айы 2019 64

Баракелде -  Бүгүн, 15-октябрда Азербайжандын Баку шаарында өтүп жаткан Түрк тилдүү мамлекеттердин кызматташтык кеңешинин кезектеги VII жыйыны аяктады.

Ага Азербайжандын президенти Ильхам Алиев, Кыргызстандын президенти Сооронбай Жээнбеков, Түркиянын президенти Реджеп Тайып Эрдоган, Өзбекстандын президенти Шавкат Мирзиеёв, ошондой эле Казакстандын биринчи президенти Нурсултан Назарбаев катышты. Ошондой эле байкоочу өлкөлөрдүн өкүлдөрү — Венгриянын премьер-министри Виктор Орбан, Түркмөнстандын министрлер кабинетинин төрагасынын орун басары Пурли Агамырадов, Түрк тилдүү мамлекеттердин кызматташтыгынын төрагасы Багдад Амреев болду.

------------------------------------------

Жыйындын жүрүшүндө президент Сооронбай Жээнбеков Кыргызстандын уюмдагы төрагалыгынын негизги жыйынтыктарын чыгарды.

Мамлекет башчы Кыргызстан өзүнүн төрагалык мезгилинде уюмду мындан ары өнүктүрүү, мамлекеттердин ортосундагы жемиштүү кызматташтыкты, достук мамилелерди бекемдөөгө бардык күч-аракеттерди жумшаганын билдирди. Жалпысынан алганда Түрк кеңеши түзүлгөндөн бери 55 иш-чара уюштурулса, анын ичинен 15 иш-чара Кыргыз Республикасынын төрагалыгында өткөнүн баса белгилеп өттү.

------------------------------------------

Ал эми жыйындын жыйынтыгы боюнча аталган кеңештин мамлекет башчылары тарабынан (Азербайжан, Казакстан, Кыргызстан, Түркия, Өзбекстан) бир катар документтерге кол коюлду.

Тизме:

1. Түрк тилдүү мамлекеттердин кызматташтык уюмдарынын Координациялык комитетин түзүү жөнүндө чечими;

2. Казакстандын биринчи президенти Нурсултан Назарбаевге «Түрк тилдүү мамлекеттердин кызматташуу кеңешинин өмүр бою ардактуу төрагасы» макамын берүү жөнүндө чечими;

3. Түрк дүйнөсүнүн эң жогорку ордени жөнүндө чечими;

4. Казакстан Республикасынын биринчи президенти Нурсултан Назарбаевге Түрк дүйнөсүнүн эң жогорку орденин ыйгаруу жөнүндө чечими;

5. Түрк кеңешинин башкы катчысынын орун басары менен Түрк маданияты жана мурасы фондусунун президентин дайындоо жөнүндө чечим.

Пикирлер
Для добавления комментария необходимо быть нашим подписчиком