00:53, Үчтүн айынын он тогузу, 2020
21:00, Үчтүн айынын он сегизи, 2020128 Ак-Сууда жолбун иттер атылууда. Сүрөт
20:55, Үчтүн айынын он сегизи, 20201346 Гепатит кантип билинет? Ооруну алдын алабыз
20:11, Үчтүн айынын он сегизи, 2020129 Кыргызстандыктар көп чалдыккан оорулар

Сооронбай Жээнбеков менен Нурсултан Назарбаев жолугушту

На русскомEnglish
19:11, Тогуздун айынын он төртү, 2019 1254

Баракелде -  Бүгүн, 14-октябрда Кыргызстандын президенти Сооронбай Жээнбеков менен Казакстандын биринчи президенти Нурсултан Назарбаев жолугушту. Алардын жолугушуусу Азербайжандын Баку шаарында болгонун өлкө башчынын басма сөз кызматы билдирди.

Жолугушуу Кыргызстандын делегациясы Баку шаарына учуп жеткенде Гейдар Алиев атындагы эл аралык аэропортто өттү. Анда Кыргызстан менен Казакстандын эки тараптуу кызматташтыгы боюнча пикир алышты.

Сооронбай Жээнбеков Нурсултан Назарбаевдин Түрк кеңешинин ардактуу төрагасы болуп шайланганы жана Түрк дүйнөсүнүн Жогорку ордени менен сыйланганына балйаныштуу куттуктады. Орденди тапшыруу аземи эртең, 15-октябрда болот.

«Президент Сооронбай Жээнбеков дагы бир жолу Кыргызстан менен Казакстандын ортосундагы стратегиялык өнөктөштүктү, союздаштыкты жана ынак кошуналык мамилелерди орнотууда жана бекемдөөдө Нурсултан Назарбаевдин жеке салымын белгиледи.

Казакстандын биринчи президенти Нурсултан Назарбаев кайрадан жолугушуу мүмкүнчүлүгүнө кубанычта экенин баса белгиледи. Ал мамлекет башчыларынын кызматташууну жана ынак кошуналык мамилелерди тереңдетүүгө багытталган бардык аракеттерин колдой турганын белгиледи.

Жолугушууда эки жана көп тараптуу кызматташтыкты тереңдетүүнүн жана өнөктөштүктүн түрдүү тармактарында биргелешкен долбоорлорду ишке ашырууну күчөтүүнүн маанилүүлүгү белгиленди», - деп айтылат өлкө башчынын басма сөз кызматынын билдирүүсүндө.

Президенттер 15-октябрда өтүүчү Түрк тилдүү мамлекеттердин кызматташуу кеңешинин VII жыйынына чогулуп жатышат.

Пикирлер
Для добавления комментария необходимо быть нашим подписчиком