08:27, 8 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Россияда дайынсыз жоголгон кыргызстандык жаран абактан табылды

На русском
19:07, 10 тогуздун айы 2019 138
Иллюстративное фото
Иллюстративное фото

Баракелде -  ИИМдин Россиядагы өкүлчүлүгү тарабынан дайынсыз жоголгон кыргызстандык жаран табылды. Бул тууралуу ИИМдин басма сөз кызматы билдирди.

Ушул жылдын апрель айында Кыргызстандын 38 жаштагы жараны (аял киши) ИИМдин Россиядагы өкүлчүлүгүнө кайрылган. Ал Россиянын Новый Уренгой шаарына иштөө максатында кеткен 1978-жылы туулган Н.М. аттуу жолдошун издөөгө жардам сураган. Анын айтымында, жолдошу акыркы жолу 2019-жылдын февраль айында байланышка чыккан. Ошондон кийин белгисиз себептер менен туугандары менен байланышпай калган.

Өкүлчүлүктүн жана полициянын кызматкерлери дайынсыз жоголгон кыргызстандык жарандын кайда жүргөндүгүн тактоо жана текшерүү боюнча тиешелүү чараларды көрүшкөн. Россиянын ИИМнин аймактык бөлүмдөрүнүн башкармалыктары менен биргеликте жүргүзүлгөн текшерүү жана издөө иш-чараларынын натыйжасында туугандары дайынсыз жоголду деп эсептешкен адам мыйзам бузган иш-аракеттери үчүн жазасын өтөп жаткандыгы маалым болгон. Ал 2019-жылдын март айында Россия Федерациясынын Кылмыш-жаза кодексинин 111-беренеси (саламаттыкка атайлап оор залал келтирүү) боюнча кылмыш жоопкерчилигине тартылып, сот тарабынан 6 айга эркинен ажыратылган. Туугандарына жогорудагы факты тууралуу маалымдалган.

Түзүмдүн билдирүүсү боюнча, кыргызстандык жаран жаза мөөнөтүн өтөп бүтүп, мекенине кайтып келди.

Пикирлер
Для добавления комментария необходимо быть нашим подписчиком