10:49, 12 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Абдил Сегизбаевдин Кой-Ташта кармалган атайын багыттагы аскерлер боюнча пикири

На русском
17:03, 19 аяк оона 2019 137
Абдил Сегизбаев
Абдил Сегизбаев

Баракелде -  Бүгүн, 19-сентябрда өкмөттө Кой-Таш айылында түзүлгөн кырдаалды иликтөө боюнча мамлекеттик комиссиянын кезектеги жыйыны өттү. Ага УКМКнын мурунку башчысы Абдил Сегизбаев да чакырылган.

Вице-премьер-министр Жеңиш Разаков жалпыга маалымдоо каражаттарынын бирине комиссиянын ишин чагылдырууга уруксат берди.
«Кой-Таш айылында 7-августта болгон окуяда "Альфа" атайын багыттагы бөлүктүн аскерлерин кармоо — барымтага алуубу же алардын коопсуздугун камсыздообу?», - деп сурады комиссиянын мүчөлөрүнөн А.Сегизбаев.

Анын айтымында, атайын багыттагы аскерлердин өмүрүнө коркунуч жаралган. Бирок бир жагынан адамдарды эркине каршы кармоого болбойт.

Депутат Бактыбек Райымкулов («Республика—Ата Журт») Алмазбек Атамбаев тергөөгө бир нече жолу чакырылып, бирок барбаганын эске салып: «Сиз муну туура деп эсептейсизби? УКМКнын мурунку башчысы катары айтыңыз», - деди.

Сегизбаев: «Мен ал адамдын иш-аракеттерине баа бере албайм», - деп жооп берди.

«Өзүңүздүн пикириңизди айтыңыз», - деди Райымкулов.

«Ал эмне үчүн мындай кадамга барганы тууралуу маалыматым жок, ошондуктан өзүмдүн пикиримди айта албайм», - деди Сегизбаев.

Депутат Талант Мамытов («Республика—Ата Журт») мамлекеттик чиновник суракка чакырылганда барышы керекпи деп тактады.

«Бул Алмаз Шаршеновичтин позициясы. Ага баа берүү мага оор. Мен анын жетекчилигинде иштегем», - деди президенттин жана өкмөттүн иш башкармалыгынын мурунку башчысы Турусбек Коеналиев.

А.Сегизбаев да баа берүүдөн баш тартты. Бирок тактоочу суроого жооп берип жатып, мыйзам боюнча суракка баруу керектигин айтты.

Райымкулов кимдир бирөө тарабынан коркутуулар болуп жатканы тууралуу сурады.

«Биз бардык маалыматты тергөөгө бердик. Бардыгы сылык болду, дооматыбыз жок», - деди Сегизбаев.

-------------------------------------------------------------------------------

Алмазбек Атамбаев 8-августта Кой-Таштагы үйүндө кармалган. УКМКдагы көчмө сот отурумунда анын баш коргоо чарасы тандалган, тактап айтканда 26-августка чейин камалган. Кийинчерээк баш коргоо чарасынын мөөнөтү 26-октябрга чейин узартылган болчу.

Пикирлер
Для добавления комментария необходимо быть нашим подписчиком