17:30, 19 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

ИИМ: Баткенде күч органдары күчөтүлгөн режимде иштеп жатат

На русском
08:40, 17 аяк оона 2019 125

Баракелде -  Ички иштер органдары жана чек арачылар чек ара аймактарындагы абалды жөнгө салуу боюнча комплекстүү иш-чараларды өткөрүп жатат. Бул тууралуу ИИМдин басма сөз кызматы билдирди.

«Эң башкы милдет — коомдук тартипти жана жарандардын коопсуздугун сактоо», - деп айтылат маалыматта.

Милиция кызматкерлери тарабынан коомдук тартипти жана жарандардын коопсуздугун сактоо багытында бардык чаралар көрүлүп жатат. Ошондой эле Баткен облусундагы чек арага жакын аймактарда жашаган жарандарга чек арачылар түшүндүрүү иш-чараларын жүргүзүшүп, күчөтүлгөн режимде кызмат өтөп жатат.

Жергиликтүү жашоочулар учурда өз үйлөрүндө. Укук коргоо органдары, Мамлекеттик чек ара кызматы абалды жөнгө салуу боюнча бардык аракеттерди көрүүдө.

----------------------------------------

Кечээ, 16-сентябрь күнү кечинде кыргыз-тажик мамлекеттик чек арасында абал курчуган. Алдын ала маалыматтарга караганда, Лейлек районунун Максат айылындагы футбол талаасындагы аймакта саат 19:00-19:40 чамасында ок атылган.

Кыргызстандын Мамлекеттик чек ара кызматынын алдын ала маалыматына караганда, кыргызстандык чек арачы көз жумду.
Такталбаган маалыматка караганда, кыргыз-тажик мамлекеттик чек арасындагы жаңжал Кыргызстандын жараны аталган аймакта курулуш иштерин баштаганда чыккан. Тажик тарап анын аракеттерине нааразы болуп, чыр чыккан учурда ок атылган.

Саат 21:30га карата атышуу токтогон. Кыргызстан менен Тажикстандын Чек ара кызматынын өкүлдөрү мындан аркы жаңжалга жол бербөө боюнча сүйлөшүүлөрдү жүргүздү.
Пикирлер
Для добавления комментария необходимо быть нашим подписчиком