20:05, 19 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Мамлекеттик ишмер А.Орозбековдун 130 жылдыгына карата кандай иш-чаралар өтөт?

На русском
08:35, 21 баш оона 2019 114

Баракелде -  Премьер-министр Мухаммедкалый Абылгазиевдин төрагалыгы алдында мамлекеттик жана коомдук ишмер Абдыкадыр Орозбековдун 130 жылдыгын уюштуруу жана өткөрүү боюнча уюштуруу комитетинин жыйыны өттү. Бул тууралуу өкмөттүн басма сөз кызматы билдирди.

Өкмөт башчы белгилегендей, алдыдагы мааракелик иш-чараны жогорку деңгээлде өткөрүү үчүн мамлекеттик органдар, жергиликтүү өз алдынча башкаруу органдары бардык күч-аракетин жумшоого тийиш.

Уюштуруу комитетин жетектеген вице-премьер-министр Алтынай Өмүрбекованын маалыматы боюнча, Абдыкадыр Орозбековдун 130 жылдыгын уюштуруу жана өткөрүү боюнча иш-чаралар планы түзүлгөн. Пландын алкагында коомдук ишмердин өлкө тарыхындагы ролу тууралуу илимий-практикалык конференция өткөрүү, Бишкек шаарында мемориалдык такта орнотуу жана А.Орозбеков атындагы музейде оңдоо, калыбына келтирүү иштерин жүргүзүү, китеп басып чыгаруу, өлкөнүн мектептеринде ушул темага арналган ачык сабактарды өткөрүү жана башка бир катар иш-чаралар белгиленген.

Мухаммедкалый Абылгазиев тийиштүү мамлекеттик түзүмдөрдүн жетекчилери бардык уюштуруу маселелерин биргеликте чечүүгө жана аларды натыйжалуу аткарууга тийиштигин белгиледи. Мааракенин алкагындагы бардык иш-чараларды жогорку деңгээлде өткөрүү зарыл.

«Абдыкадыр Орозбеков көрүнүктүү мамлекеттик жана коомдук ишмер. Ал кыргыз мамлекеттүүлүгүнүн түптөлүшүнүн башатында турган. Ошондуктан мааракелик иш-чараларды өткөрүүдө кыргызстандыктардын жаш мууну өз өмүрүн мамлекетибиздин калыптанышына жана өнүгүүсүнө арнаган эл уулдарын унуткарбай жүрүшү үчүн илимий, изилдөөчү, агартуучу бөлүгүнө басым жасоо керек», - деди Мухаммедкалый Абылгазиев.

Кеңешменин жыйынтыгы боюнча өкмөт башчы Абдыкадыр Орозбековдун 130 жылдыгын уюштуруу жана өткөрүү боюнча иш-чаралар планын өз убагында аткарууну тапшырды.

----------------------------------------------------

Абдыкадыр Орозбеков — көрүнүктүү мамлекеттик жана коомдук ишмер, ал кыргыз мамлекеттүүлүгүнүн түзүлүшүнүн башатында турган. 1925-жылы Кара-Кыргыз автономиялуу облусунун жумушчулар, дыйкандар жана солдаттар советинин облустук аткаруу комитетинин төрагасы болгон.

Абдыкадыр Орозбеков 1927-жылдан 1937-жылга чейин Кыргыз Автономиялуу Советтик Социалисттик Республикасынын, Кыргыз Советтик Социалисттик Республикасынын Борбордук аткаруу комитетинин төрагасы жана биринчи мамлекет башчы болгон.

Пикирлер
Для добавления комментария необходимо быть нашим подписчиком