09:04, 8 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Дастанбек Жумабеков Түркиянын Улуу улуттук жыйынынын төрагасы менен сүйлөшүүлөрдү жүргүздү

На русском
18:10, 16 теке 2019 101

Баракелде -  Жогорку Кеңештин төрагасы Дастанбек Жумабеков Түркиянын президенти Режеп Тайип Эрдоган жана Түркиянын Улуу улуттук жыйынынын төрагасы Мустафа Шентоп менен эки тараптуу жолугушууларды өткөрдү. Бул тууралуу Жогорку Кеңештин басма сөз кызматы билдирди.

Жолугушууларда кыргыз тарап Түркия менен соода-сатык байланыштарын өнүктүрүү, Түркияга айыл арба өнүмдөрүн, айрыкча эт азыктарын экспорттоо мүмкүнчүлүктөрү, инвестиция жана маданий-гуманитардык кызматташуу маселелерин козгоду.

«Буга чейин Кыргызстан менен Түркия бийик деңгээлдеги жолугушууларда эки өлкө ортосундагы товар жүгүртүү көлөмүн 1 млрд долларга чейин жеткирүү максатын койгон. 2018-жылы товар жүгүртүү көрсөткүчтөрү 394,5 миллион долларды түзүп, 2017-жылга салыштырмалуу 10,8 пайыздан ашкан. Бирок эки өлкөнүн парламенттери соода-сатык байланыштарыбызды мындан дагы ыкчам темпте өнүктүрүүгө өзүбүздүн салымыбызды кошушубуз керек», - деди төрага.

Ал эми Мустафа Шентоп өз кезегинде: «Кыргызстандык бир туугандардын колдоосуна терең ыраазычылык билдиребиз. Ал эми сиздер көтөргөн экономикалык, маданий-гуманитардык маселелер жакында кыргыз-түрк өкмөттөр аралык атайын комиссиянын отурумунда кеңири талкууланат. Мен дагы түрк парламентинин жетекчиси катары бул маселелерге көңүл бурам. Кыргызстан менен Түркиянын ортосундагы байланыштар жакшы деңгээлде өнүгүп жатат. Айрыкча парламенттер аралык кызматташуу, кыргыз-түрк парламенттеринин депутаттарынын достук тобунун кызматташуусу жакшы деңгээлге чыкканы бизди кубандырат», - деди.

Жогорку Кеңештин төрагасы Дастанбек Жумабеков баштаган депутаттардын Түркияга болгон расмий иш сапары 18-июлга чейин уланат. Парламенттик делегациянын курамында депутаттар: Алмазбек Акматов, Искандер Гайыпкулов, Зиядин Жамалдинов, Төрөбай Зулпукаров, Канатбек Исаев, Талант Мамытов бар.

Пикирлер
Для добавления комментария необходимо быть нашим подписчиком