04:00, 10 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Москвада турмушка чыгуусуна каршы болгон туугандарына таарынып, дайынсыз жоголгон кыргызстандык кыз табылды

На русском
19:36, 20 кулжа 2019 1102

Баракелде -  Россиянын Москва шаарында бир нече айдан бери туугандары менен кабарлашпай дайынсыз болуп жаткан Кыргызстандын 18 жаштагы жараны табылды. Бул тууралуу ИИМдин басма сөз кызматы билдирди.

«Июнь айынын башында Кыргызстандын Ички иштер министрлигинин Россиядагы өкүлчүлүгүнө Талас облусунун 1966-жылы туулган Ж.О. аттуу (аял киши) тургуну кайрылган. Ал дайынсыз жоголгон 2001-жылы туулган Т.Б. аттуу кызын издөөгө көмөк көрсөтүүнү суранган. Изделип жаткан кызы акча табуу максатында Москва шаарынын аймагында иштеп жатып, 2019-жылдын март айында туугандары менен байланышпай калганын маалымдаган», - деп айтылат маалыматта.

Ал эми Ж.О. аттуу жаранга мыйзамга ылайык Москва шаарынын аймагында дайынсыз жоголгон кызын издөөнү уюштуруу керектиги боюнча түшүндүрмө берилген. 11-июнь күнү Ж.О. аттуу жаран кыргыз диаспорасынын мүчөлөрүнүн коштоосунда Кыргызстандын Росиядагы өкүлчүлүгүнө барып, бир нече айдан бери байланышы үзүлгөн кызынын жоголушу боюнча айтып берген.

Социалдык түйүн аркылуу (WhatsAp) кызы аны кимдир-бирөөлөр кыйнап кармап жатышкандыгын жана кайда жүргөндүгүн билбей тургандыгын жазган. Өкүлчүлүк тараптан тез арада Ж.О. аттуу жарандын кайрылуусун каттоо жана дайынсыз жоголгон кызды издөөнү уюштуруу үчүн ИИМдин Москва шаарындагы аймактык түзүмүнүн бөлүмүнө барышкан.

Аталган түзүм менен биргеликте катталган материал боюнча дайынсыз жоголгон кыздын кайда экендигин аныктоого багытталган ыкчам-издөө иш-чараларын жүргүзүшкөн. Жүргүзүлгөн иш-чаралардын натыйжасында 17-июнь күнү дайынсыз жоголгон кыз Москвадан табылды.

«Т.Б. аттуу кыз өзүнүн түшүнүк катында Россиянын жараны — Баткен облусунун 2000-жылы туулган С.Б. аттуу тургуну менен жашап, бирге чарбачылык менен алектенип жатышкандыгын билдирген. Ошондой эле ал анын турмушка чыгуусуна каршы болгон туугандары менен байлынышын үзүп, сүйлөшпөй койгондугун маалымдаган. Бирок ал апасы Москвага келет деп ойлогон эмес», - деп айтылат маалыматта.

Териштирүүдөн кийин жашы жете элек кыз өз каалоосу менен Москвада калды. Ал эми апасы 18-июнь күнү мекендештеринин колдоосу менен кайра Кыргызстанга учуп келди.

Кыргызстандын Ички иштер министрлигинин Россиядагы өкүлчүлүгү жогорудагыдай фактыны болтурбоо үчүн түшүндүрүү иш-чараларын жүргүзүштү. Ошондой эле табылган кызга туугандары менен байланышып туруу сунушталды.

Пикирлер
Для добавления комментария необходимо быть нашим подписчиком