18:41, 22 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Кыргызстанга 800 миң долларды эки унаа менен алып келе жаткан топ кармалды

На русском
16:31, 21 бугу айы 2019 4817

Баракелде -  Ташкент—Андижан унаа жолунда ири суммадагы акча жүктөп бара жаткан 2 унаа токтотулду. Жергиликтүү басылмалардын маалыматы боюнча, айдоочулар Мамлекеттик коопсуздук кызматынын Фергана облусу боюнча башкармалыгынын кызматкерлеринин ыкчам иш-чараларынын жүрүшүндө колго түшкөн.

Унаалардын биринен 423 миң 871 доллар, ал эми экинчи унаадан 388 миң 659 доллар табылган. Жалпы эки унаадан 812 миң 530 АКШ доллары табылып алынды. Унаалардын ээлери Коканд шаарынын жашоочулары экени аныкталды.

Тергөөнүн жүрүшүндө бул ишке тиешеси бар башка адамдар да кармалды. Топтун башчысы 13 жыл Сауд Арабияда жашаган өзбекстандык Обид Халимов болгон. Ал мекенине кайтып келгенден кийин валюталарды ташуучу топ түзүп, ага жээнин, аялынын агасын жана дагы 3 адамды кошкон. Алар Кыргызстанга ири өлчөмдөгү акча ташуу менен алектенип келишкен.

Учурда кылмыш иш козголуп, бул кылмышка тиешеси бар башка адамдарды аныктоого багытталган иш-чаралар жүрүүдө.


Пикирлер
Для добавления комментария необходимо быть нашим подписчиком