02:52, 19 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Досу менен мурунку сүйүктүүсүн зордуктап, аны камерага тарткан казак жигиттин кылмышы

На русском
14:00, 13 бугу айы 2019 429
Шектүү Шокан Абылкасымов
Шектүү Шокан Абылкасымов

Баракелде -  Башкы прокуратура Казакстандын Башкы прокуратурасынын өзгөчө оор кылмыш жасаган Шокан Абылкасымовду өткөрүп берүү боюнча суранычын канааттандырды. Көзөмөл органдын басма сөз кызматы бүгүн, 13-майда тараткан маалымат боюнча, Казакстандын аталган жараны Аламүдүн районунда кармалган.

Шектүүнү өткөрүп берүү Жазаларды аткаруу мамлекеттик кызматына тапшырылып, Абылкасымов 6-майда Казакстандын компетенттик органдарына өткөрүлүп берилди.

Аламүдүн РИИБдин кызматкерлери тарабынан ушул жылдын 5-мартында өзгөчө оор кылмыш жасап, издөөдө жүргөн Казакстандын жараны кармалганын ИИМдин басма сөз кызматы билдирген.

Маалыматка караганда, Аламүдүн айылынын аймагында жүргүзүлгөн ыкчам издөө иш-чараларынын жүрүшүндө Казакстан Республикасынын аймагында өзгөчө оор кылмыш жасагандыгы үчүн мамлекеттер аралык издөөдө жүргөн Шокан Абылкасымов колго түшүп, Бишкек ШИИБдин убактылуу кармоочу жайына киргизилген болчу.

Ал эми Zakon.kz басылмасынын маалыматы боюнча, кармалган адам топтук зордуктоого айыпталып жаткан. Астана шаарында 2017-жылдын июнь айында Саина Раисова эки адам тарабынан зордукталган. Шектүүлөрдүн бири кармалып, экинчиси качып кетүүгө жетишкен. Тергөөнүн жыйынтыгында кармалган адам 2018-жылы 18-январда 10 жылга эркинен ажыратылып, андан жабырлануучуга моралдык зыян катары 1 млн тенге жана материалдык зыян үчүн 200 миң тенге өндүрүү чечими чыккан.

Экинчи шектүү Абылкасымов Шокан Каршыгаевич — жабырлануучунун мурунку жигити качып кетип, издөөгө алынган.

«Ш.Абылкасымов мурунку сүйлөшкөн кызын элдешүү үчүн алдап үйүнө чакырган. Бирок чындыгында досу экөө аны зордуктоону пландашкан. Кыз зордукталгандан кийин 3-кабаттан секирип кеткен. Алар кызды зордуктап жатканда бул учурду мобилдик телефонго тартып алышкан. Шектүүлөр жабырлануучуну коркутушкан», - деп айтылат басылманын маалыматында.

Пикирлер
Для добавления комментария необходимо быть нашим подписчиком