07:47, 25 баш оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Айылдык кеңештерге депутат болууга 506 талапкер катталды

На русском
21:43, 30 чын куран 2019 124
Иллюстрациялык сүрөт
Иллюстрациялык сүрөт

Баракелде -  Кечээ, 29-апрелде аймактык шайлоо комиссиялары 12 айылдык кеңешке депутаттыкка талапкерлерди каттоону аяктады. Бул тууралуу Борбордук шайлоо комиссиясынын басма сөз кызматы билдирди.

Аймактык шайлоо комиссияларынын маалыматы боюнча, айылдык кеңештерге кезектеги шайлоого катышуу үчүн бардыгы 506 талапкер катталды. Алардын ичинде:

- Баткен облусунун Баткен району боюнча — 141 талапкер (Самаркандек айылдык кеңешине 48, Ак-Татыр айылдык кеңешине 47, Ак-Сай айылдык кеңешине 46);

- Нарын облусунун Жумгал району боюнча — 36 талапкер (Көк-Ой айылдык кенеши);

- Ош облусунун Кара-Кулжа району боюнча — 23 талапкер (Кеңеш айылдык кенеши);

- Талас облусунун Кара-Буура району боюнча — 124 талапкер (Шекер айылдык кеңешине 48, Бейшеке айылдык кеңешине 51, Бакыян айылдык кеңешине 25);

- Чүй облусунун Жайыл району боюнча — 29 талапкер (Кызыл-Дыйкан айылдык кеңешине).

Шайлоо алдындагы үгүт иштери айылдык кеңештерге бардык талапкерлерди каттоо мөөнөтү аяктаган күндөн, тактап айтканда 29-апрелден башталып, добуш берүү башталганга чейин 24 саат мурда (18-майда саат 8.00дө) аяктайт.

Айылдык кеңештерди шайлоо 2019-жылдын 19-майында өтөт.

Пикирлер
Для добавления комментария необходимо быть нашим подписчиком