17:29, 19 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Санкт-Петербургда каза болгон кыргыз жигиттин өлүмүнүн себеби аныкталды

На русском
09:16, 23 чын куран 2019 1259
Иллюстрациялык сүрөт
Иллюстрациялык сүрөт

Баракелде -  Россиянын Санкт-Петербург шаарында каза болгон кыргызстандык жигиттин өлүмүнүн себеби аныкталды. Ал жүрөк оорусунан көз жумганын «Фонтанка.ру» басылмасы жазды.

21 жаштагы Артык Орозалиевдин өлүмү боюнча Мамлекеттик эмгек инспекциясы текшерүү иштерин баштаган. Ведомство окуянын чоо-жайын териштирип, эгер ал эмгек нормативдеринин бузулушунун кесепетинен каза болгону аныкталса, иш Россия Федерациясынын Кылмыш-жаза кодексиндеги 143-беренеге (эмгекти коргоо талаптарынын бузулушу) өзгөртүлөт. Аталган норма боюнча кызматкер эмгекти коргоо талаптарынын бузулушунан улам каза болсо, күнөөлүүлөр 4 жылга коомдук жумушка тартылып же 4 жылга эркинен ажыратылат. Ошондой эле 3 жылга белгилүү кызматтарды ээлөө же ишмердүүлүк жүргүзүү укугунан ажырайт.

Маркум Тоң районунун Төрт-Күл айылынын тургуну болчу. Ал 10 саат тыныгуусуз иштегенден кийин көз жумганы маалым болгон. Экспертизанын жыйынтыгында жаш жигит жүрөк оорусунан каза болгону аныкталды.

«Фонтанка.ру» басылмасы маркумдун Кыргызстандагы туугандары менен байланышкан. Алар Артык буга чейин жүрөк оорусунан жабыркабаганын билдиришкен. Маркум 21-апрелде кичи мекенинде жерге берилди.

Маркумдун тааныштарынын айтымында, Артык «Яндекс.Еда» сервисинин кызматкери (курьер) болуп иштеп жаткан.

Пикирлер
Для добавления комментария необходимо быть нашим подписчиком