11:05, 16 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Расмий базадан КСДП партиясынын жетекчилиги тууралуу маалыматтар өзгөрдү

На русском
10:19, 18 чын куран 2019 404
Скриншот с сайта Министерства юстиции КР
Скриншот с сайта Министерства юстиции КР

Баракелде -  Кыргызстандын Юстиция министрлиги электрондук базадан Кыргызстандын социал-демократиялык партиясынын жетекчилигине байланыштуу маалыматтарды жаңыртты. Анда «партиянын жетекчиси» деп жазылган орунда Атамбаев Алмазбек Шаршеновичтин ордуна Абдрахманов Сагынбек Үмөталиевдин ысымы жазылган.

Ал эми партиянын түзүүчүсү жазыла турган орунда Алмазбек Атамбаевдин ысымынын ордунда «Замените на физическое лицо 1» деп жазылган. Ошондой эле базада партиянын юридикалык дареги Шабдан баатыр көчөсүнөн, Эркиндик 4Б деп өзгөртүлгөн.

Мындан башка маалыматтар өзгөртүүсүз калган. Мисалы, партия кайра каттоодон өткөн күн (16.09.2016), телефон номурлар жана электрондук дарек ж.б.

Буга чейин С.Абдрахманов маалымат жыйында Юстиция министрлигинен кайра каттоодон өтүү үчүн ага партиянын уставынын түп нускасы керектигин айткан. Ошондой эле эгерде уставды ага берүүдөн баш тартышса сотко кайрылууга даяр экенин айткан болчу.

----------------------------------------------

КСДПнын айрым мүчөлөрү 3-апрелде съездге чогулушуп, партиянын төрагасы жана саясий кеңешинин ыйгарым укуктарын мөөнөтүнөн мурда токтотууга добуш беришкен. Жолугушуунун модератору Нурбүбү Кененбаеванын айтымында, добуш бергендердин саны 390 адамды түздү. Ошондой эле алардын чечими менен ревизиондук комиссиянын ыйгарым укуктары токтотулду.

Делегаттар Сагынбек Абдрахмановду партиянын төрагасы кылып шайлашкан.

Пикирлер
Для добавления комментария необходимо быть нашим подписчиком