17:30, 19 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Олимпиада чемпиону, дүйнөнүн мыкты гандболчусу Талант Дүйшөбаев менен өлкө башчы жолугушту (сүрөт)

На русском
16:48, 12 чын куран 2019 274
Сооронбай Жээнбеков жана Талант Дүйшөбаев
Сооронбай Жээнбеков жана Талант Дүйшөбаев

Баракелде -  Президент Сооронбай Жээнбеков бүгүн, 12-апрелде Олимпиада чемпиону жана дүйнө чемпиону, легендарлуу гандболчу жана машыктыруучу Талант Дүйшөбаев менен жолугушту. Мамлекет башчысы Талант Дүйшөбаевдин жетишкендиктери кыргыз эли үчүн чоң сыймык экендигин билдирди, деп маалымдайт басма сөз кызматы.

«КМШ курама командасында Олимпиада чемпиону, Россия курама командасында дүйнө чемпиону, Испаниянын курамында 2 жолу Олимпиаданын коло медалынын ээси, гандбол боюнча чемпиондордун лигасында 4 жолу жеңишке жетүү, Европанын Суперкубогун эки жолу жеңүү, Испаниянын 4 жолку чемпиону болуу, Польшанын Кубогунун чемпиону жана башка ийгиликтер көп жылдык мээнеттин жыйынтыгы. Эки жолу дүйнөнүн мыкты гандболчусу, 20-кылымдагы планетанын 2-оюнчусу деген наамдар менен биз өзгөчө сыймыктанабыз. Мен Сизди кыргыздын мыкты уулу, эң атактуу, легендарлуу спортсмени деп сыймыктануу менен айтам», - деп белгиледи Сооронбай Жээнбеков.

Президент Дүйшөбаевдин машыктыруучулук жогорку дараметинин натыйжасында дүйнөлүк, европалык аренада жетишкен ийгиликтерин кубаттады. Ал жетектеген командалардын ийгиликтерди багындырганга өбөлгө түзүп, жүздөгөн спортчулардын жүрөгүндө башкы устаты, насаатчысы катары түнөк тапканын билдирди.

Сооронбай Жээнбеков Т.Дүйшөбаевдин өзүнүн балдары да гандболчу болуп дүйнөлүк аренада ийгиликтерге жетишип жатканын белгилеп, Кыргызстанда гандбол менен машыгып жаткан жаштарга чоң үлгү, дем берет деп билдирди.

Талант Дүйшөбаев президент Сооронбай Жээнбековго жылуу кабыл алуусу үчүн ыраазычылык билдирип, кайда гана болбосун ар дайым мекенин ойлоп жүрөрүн билдирди.

«Албетте мен кыргыз катары элимди, жеримди дайым эстеп жүрөм. Мага мындай колдоо күч-кубат жана жеңишке болгон ишеним берип турат. Мен сизге колдоо көрсөтүп жатканыңыз үчүн ыраазычылык билдирем», - деди ал.

Талант Дүйшөбаевге 2017-жылы президенттин жарлыгы менен берилген II даражадагы «Манас» ордени да тапшырылды.

Өз кезегинде Талант Дүйшөбаев мамлекети тарабынан берилген сыйлык үчүн кыргыз элине жана өлкө башчысына ыраазычылык билдирип, бул ага сыймык жана жоопкерчилик экенин белгиледи.

Пикирлер
Для добавления комментария необходимо быть нашим подписчиком