16:37, Бирдин айынын он жетиси, 2020
15:04, Бирдин айынын он жетиси, 202055 Бишкекте эки унаа кагышты
Учурда окулуп жатат
13:01, Бирдин айынын он жетиси, 2020 (84 адам окуп жатат)
Блогер «Sydyman» камакка алынды

Галстугумду тагынбай келдим, ушул жигиттин «духун» байкайын: Депутат Мадумаров тууралуу

На русском
16:24, Бирдин айынын он экиси, 2020 15612

Баракелде -  Бүгүн, 12-февралда Жогорку Кеңеш вице-премьер-министр кызматына Акрам Мадумаровдун талапкерлигин карап жатат. Баяндаманы премьер-министр Мухаммедкалый Абылгазиев жасады.

Депутат Рыскелди Момбеков (КСДП) өкмөт башчыга кайрылып: «Мунуңуз Кызыл-Кыянын мугалимдерине кандай кыйкырса, мага да ошондой кыйкырсын деп атайын галстугумду тагынбай келдим. Ушул жигиттин «духун» байкайын деп… Эми мага анча кыйкыра албайт чыгар. Сиз апендинин кызындай мактаган Жеңиш Разаков 4 жыл губернатор болду, 4 жыл вице-премьер-министр болду. Бирок 4 метр жерди чечпей кетти», - деген депутат Ж.Разаков кызматтан кетип жатканда чек ара маселеси көп жылдарга уланарын айтканын кошумчалады.

Депутат Абылгазиевге өкмөттүн Баткен облусундагы ыйгарым укуктуу өкүлүнө вице-премьер-министр макамын берүүнү сунуштады.

«Бизде кыргыз-өзбек чек арасында маселе жок, казак, кытай менен жок. Болгону кыргыз-тажик чек арасында эле бар. Анда Баткендин губернаторуна эле макам берели. Сиз кандай көз караштасыз? Анан мунуңуздан башка талапкер жок беле? Улукбек Кочкоровго окшогон мыкты жигиттер бар. Министр, чекист десең чекист, чечен десең чечен. Мунуңуз деле мал доктур экен го. Ара-чолодо мунуңуз аксап калып, дагы уят болуп калбайсызбы деген өтүнүч эмес, өкүнүчтү айтып жатам», - деп кайрылды депутат өкмөт башчыга.

Абылгазиев кыргыз-өзбек чек арасында да маселе бар экенин айтып, мындай учурда ал жердеги ыйгарымдуу өкүлгө да ошондой макам (вице-премьер-министр макамы) берүүгө туура келерин айтып жооп берди.

Учурда Мадумаров өкмөттүн Баткен облусундагы ыйгарым укуктуу өкүлү. Ал бул кызматка 2019-жылы апрель айында келген.

Буга чейин Жеңиш Разаков Парпиевич вице-премьер-министр кызматынан бошотулганын өлкө башчынын басма сөз кызматы кечээ, 11-февралда билдирген. Жеңиш Разаков Евразиялык экономикалык биримдик (ЕАЭБ) менен чек ара маселелерине жооптуу болчу.

-------------------------------------------------------

Акрам Мадумаров Кызыл-Кыя шаарындагы Кызыл-Кыя педагогикалык институтуна барып, окуу жайдын мугалимдеринин кийимине комментарий берген.

«Адам биринчи өзүнөн башташ керек. Мына, сиздер мугалимсиңер. Мен бүт мугалимдер менен учураштым. Бирөөңдө галстук жок. Жүрүшүңөрдү карагылачы. Мен ошол үчүн сурап жатам. «Азыр ишпи?» деп жатсам, силер иш деп жатасыңар. А эмне үчүн «без галстук» жүрөсүңөр? Мына, директоруңар костюм-шым, галстук менен эле жүрөт. Силер студенттерге үлгү көрсөтөсүңөр», - деген облус жетекчиси.

Пикирлер
Для добавления комментария необходимо быть нашим подписчиком