08:47, Үчтүн айынын он сегизи, 2020
23:29, Үчтүн айынын он жетиси, 2020442 Ошто уюшкан кылмыштуу топтун мүчөсү кармалды
22:00, Үчтүн айынын он жетиси, 2020211 Оштун бюджети 194,9 млн сомго көбөйөбү?
Учурда окулуп жатат
12:18, Үчтүн айынын он жетиси, 2020 (0 адам окуп жатат)
Карта-схема конфликтов вокруг анклава Ворух в Баткенской области
18:15, Үчтүн айынын он жетиси, 2020 (15 адам окуп жатат)
Маянабыз кыскарды деген аксылык мугалимдерге министрлик жооп кайтарды

Сүрөт — Японияда конокторун күтүп ыйлаган Аселдин алгачкы кардарлары

14:12, Бештин айынын алтысы, 2019 169

Баракелде -  Японияда жаңы ресторанынын ачылышына эч ким келбей койгонун айтып ыйлаган кыргызстандык Асел алгачкы кардарларын тосуп алды. Бул тууралуу ал социалдык тармактагы баракчасы аркылуу билдирди.

Ал баракчасына: «Менин кичинекей, бирок чоң жеңишим! Силердин жардамыңар менен чоң колдоо таптым. Бүгүн менин алгачкы кардарларым келди. Биз алар менен көп убакыт сүйлөштүк. Мен аларга өзүмдүн туулган жерим тууралуу жана кандай тамак жей турганыбызды айтып бердим. Экөө тең көп саякаттаптыр. Россияда болуптур, бирок Кыргызстан тууралуу бир да жолу угушпаптыр. Албетте жаман болдум. Бирок эч нерсе эмес, мен элчи болуп, боорукер элим тууралуу айтып берем. Эшикке өзүмдүн ноутбугумду сүрөттөр менен коюп койдум. Мына, мен болгону үлгү көрсөттүм. Мүмкүн болбой турган эч нерсе жок, чечкиндүү жана алдыга кетүү маанилүү. Качан сен ишенгенде, кудай сөзсүз түрдө жардам берет», - деп орус тилинде жазды.

Кыргызстандык Аселдин ыйлап жатканда тартылган видеосу социалдык тармакка тараган. Ал жолдошу экөө Японияда ресторан ачып, бирок анын ачылышына эч ким барган эмес.

Асел менен Теру Минагава Фукуока шаарында жашашат. Алар көптөн бери ресторан ачууну кыялданып жүрүшкөн. Жубайлар ресторан ачуу үчүн бардык күчүн жумшашкан. Алар ачылыш аземге даярданып жаткан учурду социалдык тармакка жарыялашкан.

Асел социалдык тармактагы баракчасына: «Биз кардарларыбызга эшигибизди ачтык. Бардыгын чын жүрөгүбүз менен жасадык, азык-түлүктөр сапаттуу. Достор, кыялын ишке ашыра алган адамды көрүүгө келгиле», - деп жазган.

Асел менен Теру кардарларды күтүшкөн, бирок бул күнү ресторанга эч ким барган эмес.

«Мунун баарын кантип таштамак элек, үйгө алып кетем. Конокторду абдан күткөм», - деген Асел көзүнө жаш алган.

Пикирлер
Для добавления комментария необходимо быть нашим подписчиком