21:36, 10 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Ат-башылыктар жол боюнча нааразычылык акциясына чыгышты

На русском
17:14, 2 бештин айы 2019 58

Баракелде -  Бүгүн, 2-декабрда Ат-Башы районунун борборуна 200дөй эл чогулуп, Ат-Башы—Өзгөрүш жана Ат-Башы—Жаңы-Күч жолунун учурдагы абалы боюнча нааразычылык билдиришти. Бул тууралуу аймактык кабарчы билдирди.

Алар ички жолдордун начардыгын, жол оңдоого бөлүнгөн каражаттар максатсыз жумшалып жаткандыгын айтышты.

«Ат-Башы районунун Ача-Кайыңды, Баш-Кайыңды, Талды-Суу, Ак-Талаа жана Казыбек айылдарынын тургундары чыктык. Ички жолдордун оңдолбой жатканына нааразыбыз. Бир жолго бөлүнгөн каражат башка жолду жасоого жумшалып жатат. Мындай болбошу керек. Каражаттарды максаттуу колдонуу зарыл», - деди алар.

Чогулган элди Ат-Башы районунун акими Жакып Субакожоев кабыл алып, сүйлөшүүлөрдү жүргүздү. Ошондой эле жыйынга Транспорт жана жол министрлигинин алдындагы Жол чарба департаментинин директорунун орун басары Жумаш Содонбаев дагы келип катышты. Жыйынтыгында протокол түзүлүп, ал тиешелүү жактарга жиберилмей болду. Андан соң Жумаш Содонбаев элдер нааразы болуп жаткан жолду өз көзү менен көрүү үчүн жерине барды.

Пикирлер
Для добавления комментария необходимо быть нашим подписчиком