21:38, 10 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Базар-Коргондо келинин токмоктоп, каргаган кайнене же ортодо «кыйналган» уул

11:17, 30 жетинин айы 2019 63
Иллюстрациялык сүрөт
Иллюстрациялык сүрөт

Баракелде -  Жалал-Абад облусунун Базар-Коргон райондук соту айыпталуу Майрамкандын (аты өзгөртүлдү, К.М.) ишин карап чыгып, чечим кабыл алды.

Айыпталуу Майрамкан (аты өзгөртүлдү, К.М.) 1960-жылы Ноокен районунда туулган. Билими орто, үй-бүлөлүү, эч жерде иштебейт, мурда сот жообуна тартылган эмес.

Майрамкан 2019-жылдын 23-сентябрь күнү саат 08:00 чамасында өзүнүн үйүндө келини Гуляны (аты өзгөртүлдү, М.Г.) эч себепсиз уруп, чачынан тарткан. Андан соң буту менен ичке тээп, денесине зыян келтирген. Анын кесепетинен жабырлануучу денесинен жеңил жараат алган.

Сотто айыпталуучу күнөөсүн толугу менен мойнуна алып, 23-сентябрда саат 08:00 чамасында келини Гуля халатынын белбоосун кызынан сураганын, ал сөздү акча сурагандай түшүнүп алганын билдирди.

«Сөздү туура эмес угуп алгандыктан Гулянын чачынан тартып, ичке тептим. Ошол маалда уулум келип ажыратып калды», - деди ал.

Майрамкан кылган ишине өкүнүп, соттон ишти мыйзам чегинде чечүүнү суранды.

Сотто жабырлануучу буларга токтолду.

«23-сентябрда саат 08:00 чамасында тамак жасоо үчүн даярдык көрүп баштагам. Ошол маалда эшик суук болчу. Кызымдан халаттын боосун сурасам, кайненем келип, эч себепсиз оозго алгыс сөздөрдү айтты. Чачымдан тартып “үйдөн чыгып кет” деп уруп, буту менен сол капталга тээп жатканда жолдошум келип ажыратып калды», - деди ал.

Гуля соттон кайненесине мыйзам чегинде жаза көрүүнү суранды.

Сотто жабырлануучунун жолдошу келинчеги менен апасы бири-бирин түшүнүшпөй урушуп кетишкенин, келинчеги Гуляны апасы ур-токмокко алганын, оозго алгыс жаман сөздөр менен каргаганын, аларды ажыратканын айтты.

Жыйынтыгында сот Майрамканды күнөөлүү деп таап, эсептик көрсөткүчтүн үч жүз өлчөмүндө (30 000 сом) айып салды.

Пикирлер
Для добавления комментария необходимо быть нашим подписчиком