17:13, 7 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

С.Жээнбеков: Кыргызстан климаттын өзгөрүшүн — экосистема жана адамдар үчүн олуттуу коркунуч катары тааныйт

20:27, 12 жетинин айы 2019 63
Президент Сооронбай Жээнбеков на форуме к 75-летию МИД
Президент Сооронбай Жээнбеков на форуме к 75-летию МИД
// Султан Досалиев

Баракелде -  Кыргызстан климаттын өзгөрүшүн экосистема жана адамдар үчүн олуттуу коркунуч катары тааныйт. Бул тууралуу президент Сооронбай Жээнбеков «Кыргыз Республикасынын Тышкы иштер министрлигине 75 жыл. Кыргыз Республикасынын Бириккен улуттар уюму менен кызматташуусунун жыйынтыктары жана келечеги» форумунда айтып өттү.

Форум бүгүн, 12-ноябрда «Ала-Арча» мамлекеттик резиденциясында өттү.

С.Жээнбеков климаттын өзгөрүшү мөңгүлөргө, суу ресурстарына таасир этип, өлкөнүн тоолуу райондорунда табигый кырсыктардын өсүшүнө алып келерин айтты.

«Кыргыз Республикасы климаттын өзгөрүшүн экосистема жана адамдар үчүн олуттуу коркунуч катары тааныйт. Ошондуктан климаттын өзгөрүүсү боюнча Париж макулдашуусун ратификациялаган мыйзамга кол койдум. Бул макулдашууну ишке ашыруу үчүн биздин салымыбыз төмөнкү багытта болот», - деди ал.

Ошондой эле азыркы учурда өлкөдө экологиялык таза электр энергиясына өтүү үчүн олуттуу потенциал бар экенин баса белгиледи.

«Кыргыз Республикасында ГЭСтердин курулушу боюнча долбоорлорду ишке ашыруу Борбордук Азия өлкөлөрүнүн, Афганистандын жана Пакистандын гидроэнергияга болгон керектөөсүн бир кыйла деңгээлде камсыз кылат. Бүтүндөй ири регионду туруктуу өнүктүрүү жана экологиялык зыян ресурстарды колдонууну азайтуу үчүн жагымдуу шарттар түзүлөт. Климаттын глобалдык ысып кетүүсүн басаңдатууга салым кошот. Глобалдык масштабда бул макулдашуунун маанилүү жана зарыл экенин өзгөчө белгилейм», - деди өлкө башчы.

Мындан сырткары С.Жээнбеков Кыргызстан өзгөчө экотуристтик ресурстук потенциалы бар, экологиялык таза продукциянын өлкөсү экенин билдирди.

«Биз экологиялык таза өлкөнүн статусун сактоого жана өнүктүрүүгө, аны улуттук брендге айлантуу ниетинде иштеп жатабыз. Ошондуктан биздин дипломаттарга жана мамлекеттик органдарга жаңы багыттагы иштерди экологиялык дипломатияны күчөтүү боюнча жаңы милдеттер коюлат.

Экологиялык дипломатия – жаратылышты коргоо, экологиялык кризистердин алдын алуу, айлана-чөйрөгө терс таасирин тийгизчү иш- аракеттерди болтурбоо багыттарында чет өлкөлөр менен эки жана көп тараптуу кызматташтыкты билдирет», - деди С.Жээнбеков.

Мамлекет башчы жогоруда белгиленген багыттардын баарын тең камтыган экологиялык дипломатия боюнча иш-чараларды иштеп чыгууну өкмөткө сунуштады.

Пикирлер
Для добавления комментария необходимо быть нашим подписчиком