00:55, 20 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Түркия Сириянын түндүгүндө аскердик операция баштады

На русском
10:26, 10 тогуздун айы 2019 89

Баракелде -  Түркиянын аскерлери Сириянын түндүгүндө аскердик операцияны баштады. Бул тууралуу Түркиянын президенти Режеп Эрдоган билдирди.


Аталган операция «Тынчтыктын булагы» деп аталды. Түрк лидеринин айтымында, операциянын максаты — «Ислам мамлекети» террордук тобуна жана аймактагы куралданган күрддөргө каршы күрөшүү.

Операциянын жүрүшүндө Анкара Сирия менен Түркиянын чек арасынын коопсуздугун камсыздайт. Эрдоган билдиргендей, бул сириялык качкындардын үйлөрүнө кайтып барышына жол берет.

«CNN» басылмасынын журналисттери Сириянын түндүгүндө жарылуу болгонун жана согуштук учактар колдонулганын билдиришти. Сириялык демократиялык күчтөр, күрддөрдүн жана арабдардын аскерлеринин союзу эл аралык коалициядан өлкөнүн түндүк-чыгышында учууга тыюу салынган аймак түзүүгө чакырды.

Ал эми Россия Федерациясынын эл аралык иштер боюнча кеңештер комитетинин төрагасынын орун басары Владимир Жабаров Москва Түркия менен Сириянын жаңжалына катышпай турганын билдирген.

Сириялык күрддөр «Ислам мамлекетине» каршы күрөшүүдө Американын негизги өнөктөшү болуп саналат. Күрддөргө жана «Ислам мамлекетине» каршы согуштук операцияга даярдыкты баштоону Эрдоган бир нече мурун билдирген. Американын президенти Дональд Трамп Анкаранын аракетин колдобой турганын айткан.

Вашингтон 2014-жылда бери радикалдуу исламчылар менен күрөшүп келет. Сирияда россиялык аскердик кампания ишин 2015-жылдын 30-сентябрында баштаган.

Пикирлер
Для добавления комментария необходимо быть нашим подписчиком