00:51, 20 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Сүрөт: Сооронбай Жээнбеков алты өлкөнүн элчилеринен ишеним грамоталарын алды

На русском
15:52, 9 тогуздун айы 2019 67
посол Шри Ланки Нурдин Мохаммед Шахед
посол Шри Ланки Нурдин Мохаммед Шахед

Баракелде -  Президент Сооронбай Жээнбеков бүгүн, 9-октябрда Япониянын, Гананын, Испаниянын, Молдованын, Шри-Ланканын жана Бахрейндин элчилеринен ишеним грамоталарын кабыл алды. Бул тууралуу өлкө башчынын басма сөз кызматы билдирди.

Мамлекет башчы ар бир элчини жеке Кыргызстандагы дипломатиялык ишмердигинин башталышы менен куттуктап, алардын кесиптик тажрыйбасы өлкөлөр ортосундагы мамилелердин өнүгүүсүнө көмөктөшөрүнө ишенимин билдирди.

Сооронбай Жээнбеков дипломатиялык өкүлчүлүктөрдүн жаңы башчылары менен өлкөлөр ортосундагы кызматташуунун азыркы абалын жана артыкчылыктуу багыттарын талкуулады. Ошондой эле кыргыз тараптын соода-экономикалык, маданий-гуманитардык, саясий чөйрөлөрдө жана ошондой эле инвестицияларды тартуу жана ишкерликти колдоо маселелеринде эки тараптуу байланыштарды кеңейтүүгө кызыкдар экенин билдирди.

Мындан тышкары эл аралык уюмдардын жана интеграциялык бирикмелердин алкагында өлкөлөр менен мамилелерди тереңдетүүгө даяр экенин баса белгиледи.

Япониянын элчиси Сигэки Маэда, Гананын элчиси Саути Яхья Идди, Испаниянын элчиси Давид Артуро Карриедо, Молдованын элчиси Андрей Негуца, Шри-Ланканын элчиси Нурдин Мохаммед Шахед жана Бахрейндин элчиси Анвар Юсуф Абдулла Аль Абдулла президентти Кыргызстан менен эки жана көп тараптуу мамилелердин толук мүмкүнчүлүгүн ачууга бардык аракеттерин жумшай тургандыктарына ишендиришти.

Пикирлер
Для добавления комментария необходимо быть нашим подписчиком