18:39, 22 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Мамлекеттик ишканалардын башкаруучу кадрларынын резервин түзүүнүн тартиби жөнүндө жобо бекитилди

10:36, 19 аяк оона 2019 41

Баракелде -  Мамлекеттик ишканалардын башкаруучу кадрларынын резервин түзүүнүн тартиби жөнүндө жобо бекитилди. Тиешелүү чечимге премьер-министр Мухаммедкалый Абылгазиев кол койду, деп билдирди өкмөттүн басма сөз кызматы.

Бул чечим мамлекеттик ишканалардын ишин тартипке салууга жана Кыргызстандын өкмөтүнө караштуу мамлекеттик мүлктү башкаруу боюнча фондунун ролун күчөтүүгө багытталган. Учурда фонд 98 мамлекеттик ишкана менен иш жүргүзөт. Ал эми мамлекеттик ишканалар жөнүндө жобо мамлекеттик ишканаларды түзүү, кайрадан уюштуруу, жоюу, башкаруу органдарынын компетенциясын жана ыйгарым укуктарын конкреттештирүү, мамлекеттик органдардын мүлктүк абалын деталдаштырууну жөнгө салууга багытталган.

«Кабыл алынган мамлекеттик ишканалар жөнүндө жобонун алкагында мамлекеттик ишканаларды өнүктүрүүнүн орто мөөнөттүү стратегиялык планы иштелип чыккан жана бекитилген. Анын негизинде ар бир жылдын бюджети дагы иштелип чыкты.

Мындан тышкары мамлекеттик ишканаларда финансылык дисциплинаны күчөткөн, мамлекеттик мүлктү үнөмдүү жана натыйжалуу пайдаланууга багытталган, жетекчинин мамлекеттик ишкананын түзүүчүсүнүн алдында көзөмөлдө болуусун жана отчет берүүсүн белгилеген бир катар ченемдер киргизилген. Ушуну менен бирге мамлекеттик ишканалардын башкаруучу кадрларынын резервин түзүүнүн тартиби жөнүндө жобо мамлекеттик ишканалардын жетекчилеринин кызмат орундарына талапкерлердин резервин түзүү тартибин белгилейт», - деп айтылат маалыматта.

Пикирлер
Для добавления комментария необходимо быть нашим подписчиком