19:57, 19 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Баракелде! Балбан Атабек Азисбеков Олимпиада оюндарына жолдомо алды

На русскомEnglish
15:16, 16 аяк оона 2019 284
Атабек Азисбеков
Атабек Азисбеков

Баракелде -  Кыргызстандык спортчу — грек-рим күрөшү боюнча балбан Атабек Азисбеков жайкы Олимпиада оюндарына жолдомо утуп алды. Ал Казакстандын Нур-Султан шаарындагы дүйнө чемпионатында 87 килограммга чейинки балбандар арасында күч сынады.

Атабек Азисбеков 1/16 финалда литвалык спортчуну жеңсе, 1/8 финалда Венгриянын өкүлүнөн утулду. Венгриялык Виктор Лоринц финалга чыгып, кыргызстандык балбанга коло медаль үчүн күрөшүүгө мүмкүнчүлүк түзүлгөн.

Бүгүн, 16-сентябрда жубатуучу турнирде Азисбеков алгач түркмөн балбанды, андан кийин кытайлык спортчуну жеңди. Бул жыйынтык менен ал аталган салмак даража боюнча алты мыктынын арасына кошулуп, 2020-жылы Япониянын Токио шаарында өтө турган Олимпиада оюндарына жолдомо алды.

Ошондой эле Азисбеков 3-орун үчүн күч сынашат. Атаандашы — өзбекстандык Рустам Ассакалов.

Бул лицензия Кыргызстан үчүн Олимпиада оюндарына үчүнчү жолдомо болду. Буга чейин сууда сүүчү Денис Петрашов менен жөө күлүк Юлия Андреева жолдомо алган болчу.

Пикирлер
Для добавления комментария необходимо быть нашим подписчиком