00:55, 20 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Өмүрбек Текебаевдин жаза мөөнөтү качан бүтөт?

На русскомEnglish
11:01, 24 баш оона 2019 1064
Өмүрбек Текебаев
Өмүрбек Текебаев

Баракелде -  «Ата Мекен» фракциясынын лидери Өмүрбек Текебаевдин жаза өтөө мөөнөтү 2021-жылы 20-ноябрда аяктайт. Бул тууралуу АКИpress агенттигине Жазаларды аткаруу мамлекеттик кызматынан билдиришти.

Учурда Ө.Текебаев жазасын №47 түзөтүү абагында өтөп жатат. Ал 2017-жылы 16-февралда Биринчи май райондук сотунун чечими менен 8 жылга эркинен ажыратылган болчу. Жаза өтөө мөөнөтү 2017-жылы 26-февралда башталган.

Ө.Текебаевге карата «Мунапыс жөнүндө» мыйзам колдонулуп, жаза мөөнөтү 2 жыл, 8 айга кыскарган болчу. Ошондой эле алдын ала корутунду боюнча 7 ай, 6 күн камакта жаткан. Муну менен жаза өтөө мөөнөтүндөгү 1 күн 2 күн катары эсептелинген.

21-августта Жогорку сотто Өмүрбек Текебаевге карата козголгон кылмыш иштеги жаңы ачылган жагдайлар боюнча сот отуруму өткөн. Сот Ө.Текебаев менен Д.Чотоновдун ишин кайрадан Биринчи май райондук сотуна жөнөтүү чечимин кабыл алган.

Жогорку соттун токтому менен Ө.Текебаев менен Д.Чотоновго карата чыгарылган Биринчи май райондук сотунун 2017-жылдын 16-августундагы, Бишкек шаардык сотунун 2017-жылдын 2-октябрындагы, Жогорку соттун 2017-жылдын 21-ноябрындагы жана 2019-жылдын 3-майындагы өкүмдөрү жокко чыгарылган.

Учурда Ө.Текебаев Бишкек шаардык травматология жана ортопедиялык илимий изилдөө борборунда дарыланып жатат.

Пикирлер
Для добавления комментария необходимо быть нашим подписчиком