02:54, 19 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Бишкекте өрттөнгөн кампада 3 фирмага таандык тиричилик техникалары сакталган

На русскомEnglish
10:42, 22 баш оона 2019 114
// АКИpress

Баракелде -  Кечээ, 21-августта Бишкек шаарынын Москва менен Интергельпо көчөлөрүнүн кесилишинде жайгашкан кампа өрттөндү. Өрттүн жалпы аянты болжол менен 3200 чарчы метрди түзгөнүн ӨКМдин басма сөз кызматы билдирди.

Кампа «Строй Снаб» ЖЧКга, «Ди Кей Эй Трейдинг» ЖЧКга жана «Беко» фирмасына таандык болгон. Өрттүн кесепетинен үй тиричилик буюмдары (муздаткыч, чаң соргуч, кир жуучу машина жана башкалар) күйүп, 2 адам – 1988-жылы туулган О.Н. жана 1987-жылы туулган И.У. түтүнгө ууланып, №4 шаардык ооруканага жеткирилген. Учурда алардын абалы жакшы.

Өрттү өчүрүүгө өрт өчүрүүчү, суу ташуучу унаалар, куткаруучулар, тез жардам кызматы, ошондой эле 200 милиция кызматкери, жол кыймылынын коопсуздугун камсыздоо бөлүмүнөн 2 экипаж, «Кыргыз темир жолу» ишканасынан 13 кызматкер, 1 өрт өчүрүүчү поезд тартылды.

Өрт саат 15:04тө чектөөгө алынып, бүгүн өрттү толугу менен өчүрүү иштери улантылууда. Учурда өрттүн себеби жана материалдык чыгымдар такталып жатат.

Пикирлер
Для добавления комментария необходимо быть нашим подписчиком