18:09, 23 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Кой-Таштагы баш аламандык боюнча кармалган Ф.Баабиевге дагы бир кылмыш иш козголду

На русском
18:13, 20 баш оона 2019 168
Раненный во время событий в Кой-Таше Фархад Баабиев
Раненный во время событий в Кой-Таше Фархад Баабиев
// АКИpress

Баракелде -  Аламүдүн районунун Кой-Таш айылындагы окуялар боюнча кармалган Фархад Баабиевдин сөздөрүндө аймактар аралык кастыкты козутууга багытталган чакырыкты байкоого болот. Мындай маалыматты бүгүн, 20-августта УКМКнын басма сөз кызматы таратты.

Комитеттин маалыматы боюнча, 15-августта YouTube видеохостинг сайты аркылуу (Фархат Баабиев менен Аман аттуу адамдын телефон аркылуу сүйлөшүүсү) «Атамбаевдин тарапкерлери эмнени эңсеген?» аталыштагы аймактар жана улуттар аралык кастыкты козутууга багытталган видео таратылган.

«Ф.Баабиев менен Аман аттуу жарандын сүйлөшүүсүндө Чүй облусундагы Ош облусунун ишкерлеринин бизнестерин талап, үйлөрүн өрттөп, аймактар аралык кастыкты козутууга багытталган чакырыкты байкоого болот. Белгилей кетүүчү нерсе, Ф.Баабиевдин жогоруда аталган видеосу республиканын тургундарынын жана социалдык тармактардын колдонуучуларынын арасында нааразычылык жараткан. Буга байланыштуу 15-августта УКМКнын Тергөө башкы башкармалыгы тарабынан Жазык кодексинин 313-беренесинин 2-бөлүмүнүн 2-пункту (расалык, этностук, улуттук, диний же региондор ортосундагы кастыкты козутуу) боюнча сотко чейинки өндүрүш иштеринин негизинде материалдар Кылмыштардын жана жоруктардын бирдиктүү реестрине катталган.

Ошол эле күнү аталган факт боюнча козголгон кылмыш иштин алкагында өкмөткө караштуу Мамлекеттик соттук-экспертиза кызматы тарабынан лингвистикалык экспертиза дайындалган. Аталган кызматтын 20-августта чыгарган корутундусу боюнча, Ф.Баабиевдин сөздөрүндө аймактар аралык кастыкты козутууга, зомбулукка ачык чакырыктар камтылган. Иликтөөдөн өткөн текстте мамлекетте баш аламандыкты уюштуруп, учурдагы бийликти күч менен басып алууга алып келе турган чакырыктар бар экендиги аныкталды.

Учурда тийиштүү соттук-фоноскопиялык экспертиза жүргүзүү дайындалды, тергөө жүрүп жатат», - деп айтылат маалыматта.

Биринчи май райондук сотунун чечими менен Ф.Баабиев 7-8-августта Кой-Таш айылында болгон окуялар боюнча тергөө амалдары аягына чыкканга чейин камакка алынган.

Пикирлер
Для добавления комментария необходимо быть нашим подписчиком